RMR di diabierna awor ta posponi, pues tin cu warda mas pa contesta

RMR di diabierna awor ta posponi, pues tin cu warda mas pa contesta

Posted on 01/18/2022 9:35 am AST | Updated on 01/18/2022 9:38 am AST

DEN HAAG - E Rijksministerraad di djabierne awor 21 di yanuari ta pospone te otro luna februari 2022. Esaki kier men cu Aruba tambe tin cu warda mas tempo prome cu por tin un decision riba e situacion di likides y tambe recorte salarial. Noticiacla a haya confirmacion awe mainta di BZK cu a pospone e reunion door cu e gabinete  nobo (Rutte IV) mester di mas tempo pa prepara. E intencion ta pa esaki tuma lugarawor 4 di februari esta diabierna aki dos siman. Despues lo anuncia si e fecha aki ta bira definitivo. E consecuencia ta cu ta bin un tardansa atrobe pa wak con ta sigui cu e asuntonan cu ta regarda e decision di RMR, manera ayudo di likides y recorte salarial. 

ARUBA RIBA AGENDA

E intencion tabata pa Aruba ta riba agenda e diabierna aki, pa asina atende e situacion cu a urgi fin di aña ora cu pa motibo di desacuerdo entre Aruba y Hulanda, Hulanda a opta pa no trata Aruba (y tampoco e otro islanan) durante e ultimo RMR na December. E intencion tabata pa continua deliberacionan y trata e caso e proximo reunion. Pero awe mainta noticiacla a compronde cu no ta sigur cu Aruba lo ta riba e proximo agenda. “E agenda lo wordo stipula riba un fecha despues” e portal aki a compronde di Hulanda, pues no tabata sigur cu Aruba lo wordo trata ora cu e reunion reanuda. A compronde tambe cu asina cu e reunion termina, ta e intencion e ora pa e secretario di estado Hulandes nobo cu tin e cartera di Asuntonan di Reino, esta Alexandra van Huffelen, lo biaha pa Caribe pa atende cu tur 6 isla durante un bishita di conocemento. 

KNOPS NA DECEMBER

Tabata durante e ultimo Conseho di minister di Reino (RMR) na December 2021 cu RMR a wanta e decision si ta kita of cambia e recorte di salario y pa Aruba haya sosten di likides. Asina secretario di estado Hulandes Raymond Knops a bisa despues di e RMR hopi largo. “Nos no tabata di acuerdo!” sr Knops a cuminsa bisa. Esey ta encera cu a wanta e sosten di likides, pasobra e islanan no a cumpli cu e condicionan y acuerdo cu tabatin cu Hulanda. “No tin un acuerdo politico di e islanan riba e palabracionan haci comienso di December”, e la sigui bisa. Esey ta nifica cu no por sigui cu e proceso di ley, y pa Aruba e protocol. Sr Knops a bisa cu na comienso di December e la bay di acuerdo cu cierto palabracion, pero cu despues e islanan a dicidi otro. Y esey ta algo cu e no por acepta. “Loke esey ta nifica cu ta bay bek den pasado y nos no kier esey. Nos kier bay dilanti. Parlamentonan ta wardando pa e documentonan incluyendo e consensus Rijkswet” A palabra cu lo continua cu e combersacion y cu pa e proximo RMR lo sigui. 

RECORTE SALARIAL

Riba e tema di recorte salarial di 12.6%, Knops a declara e momento ey cu “Aruba kier pa para e recorte salarial, e no kier protocol pa e situacion financiero, por lo menos no di e forma cu nos a propone”. Y tanten cu no tin acuerdo riba esey, no ta sigui duna placa. “Mi ta compronde cu e medidanan ta haci dolor, pero a haci palabracion si. Bo no por bisa cu tin un recorte (salarial) cu a dura hopi largo y mester para nan awor” Knops a sigui bisa. 

REACCION WEVER

Premier Wever despues di e reunion ey tambe a reacciona pa e portal aki. Aki a splica cu E problema entre Hulanda y Aruba cu a surgi pa cual Hulanda a opta e diabierna ey pa no tuma decision riba e asuntonan di e.o. Aruba, ta relaciona cu un protocol nobo.   Investigacion di e portal aki a mustra e momento ey cu ta trata di un protocol nobo cu mester wordo cera entre Aruba y Hulanda riba e continuacion di supervision financiero mientras cu e RAFT (Rijkswet Aruba Financieel Toezicht) no ta cla ainda. Hulanda lo kier un protocol sin fecha, mientras cu Aruba kier a mara e protocol na un fecha final, pa e no bira uno ‘habri’ ya cu esaki e ora ta bira ley.

REACCION WEVER

Den un reaccion despues pa e portal aki, premier Evelyn Wever Croes a splica cu riba nivel ambtelijk ‘a bai eens cu e Nota van Wijziging (NvW) di COHO’. “Y bestuurlijk tambe nos tabata casi cla pa bai eens te ora nan a bin cu e protocol zonder eind datum” Wever a sigui bisa.”  Den mi carta pa Knops mi a bise cu mirando cu toch nos no ta haya liquiditeit steun, e goedkeuring di e NvW di e Coho ta zinloos”. E protocol tabata algo completamente nobo cu nunca a papia di dje den pasado, pasobra Aruba tabata cumpli cu tur exigencia. “Si e tabata un oferta rasonabel, nos no tabatin problema cu ne. Pero nan kier pa nos verleng un protocol aki cu ta e protocol di 2018, ‘zonder een eind datum’.  Mi verleng e contra einddatum, mi ta actuando contra e constitucion y mi no ta bay haci esey”. Esey a bay den un carta di 8 di December ultimo. Fuera di e protocol, tin mas asunto segun e mandatario a sigura e portal aki. Entre nan tin e cancelacion di e recorte financiero. Hulanda, segun Wever, a bisa cu no ta para e recorte financiero den 2022 manera cu Aruba kier. Aruba ta insisti pa duna Aruba e espacio pa den 2022 cuminsa caba cu esaki. “Ni esey nan no kier”. Dus Wever a bisa cu e biaha aki nan (Aruba) a para fuerte pa asina logra cu e 12.6% por wordo baha. 

TEXT

Loke cu Wever ta admiti ta cu enberdad cu Hulanda ta bisa cu Aruba no ta bayendo di acuerdo cu e texto di COHO pa e leynan por sigui cana. “Esey ta berdad. In principe nos ta eens, pero mi no ta bay dunele e goedkeuring ey. Mi ministerraad no ta eens pa duna e goedkeuring ey, siendo cu nos ta na mesa ta negosha. Di  un banda nos ta duna tur cos di nos banda y cada bes nan ta bin cu cosnan nobo” e mandataro a sigui bisa. Loke e kier pa Hulanda realisa ta cu un protocol sin fecha final ta contra constitucion, y a pidi pa prolonga e protocol actual pa un aña, y den e aña ey, e RAFT tin cu keda cla.

  • Premier Rutte ta menasa di retira pa cuestion di mensahenan di su cellular

    Premier Rutte ta menasa di retira pa cuestion di mensahenan di su cellular

    DEN HAAG – Prome minister di Hulanda Mark Rutte diahuebs a medio menasa cu e ‘ta retira di su funcion, y bay haci algo otro’. E tabata irita durante e debate den Tweede Kamer riba e asunto di ‘delete su mensahenan (sms) di su cellular di marca Nokia, pa falta di suficiente memoria riba su telefon. E corant de Volkskrant a raporta un dia anterior cu e mandatario tabata ‘delete’ mensahenan di su telefon riba propio discrecion y manda loke e tabata kier pa archiva, pa su staf. Algo cu no por segun e corant. A surgi un debate den Tweede Kamer riba e accion aki. Ta partidonan di oposicion mas parti tabatin critica fuerte. Hasta miembronan di coalicion tabatin problema cu esey. 

  • Van Huffelen ta bishita Aruba fin di luna awor

    Van Huffelen ta bishita Aruba fin di luna awor

    DEN HAAG - Secretario di Estado Alexandra van Huffelen di Relashonnan den Reino, manera cu e portal aki a informa algun tempo atras como primicia, ta bishita Aruba fin di e luna aki, den e siman di dia 23 pa 27 di mei. Esey a keda confirma diamars mainta pa departamento di informacion di Reino. Durante e bishita aki, e lo toca Corsou y St Maarten tambe. E biaha aki e meta ta pa e topa cu habitante-, negoshante-, voluntario- y organisacionnan social pa scucha nan preocupacion- ysoñonan.

  • Minister Glenbert Croes a reuni cu Secretario di Estado van Huffelen

    Minister Glenbert Croes a reuni cu Secretario di Estado van Huffelen

    DEN HAAG  – Minister Glenbert Croes (Labor y Social) a reuni dialuna cu secretario di estado Hulandes Alexandra van Huffelen como parti di su bishita di trabou cu a inicia dialuna. Ademas e ta programa pa reuni cu 

  • Arubiano Adolf Kock lo ricibi clavel di Plata di Prinses Beatrix e aña aki

    Arubiano Adolf Kock lo ricibi clavel di Plata di Prinses Beatrix e aña aki

    AMSTERDAM – E Arubiano Adolf Kock ta ricibi e clavel di plata (zilveren anjer) di Prins Bernhard Cultuurfonds e aña aki for di man di Prinses Beatrix. Hunto cu Daphne Wassink, Kock ta bira un di e dos recipientenan e aña aki segun e servicio di informacion di gobierno Hulandes dialuna.  

  • Muhe y un mucha muher a muri durante tiroteo riba finca na Hulanda

     Muhe  y un mucha muher a muri durante tiroteo riba finca na Hulanda

    ALBLASSERDAM – Riba un finca di cuido na Hulanda, dos persona. Fayece durante un tiroteo. Ta trata di un dama di 34 aña y un mucha muher di 16 aña. Un mucha homber di 12 aña y un dama di 20 a keda seriamente herida. Despues di e tiroteo, a detene un homber como e posibel culpable y a confisca e arma.  No ta conoci kico e motibo di e tiroteo tabata, y ta sali di punto di bista cu e persona a actua solitario.   

  • Aruba tabata representa riba Dam na Hulanda pa recorda esnan di di Dos Guera Mundial

    Aruba tabata representa riba Dam na Hulanda pa recorda esnan di di Dos Guera Mundial

    AMSTERDAM – Aruba tabata representa diaranson merdia riba Dam unda cu minister plenipotenciario di Aruba Guilfred Besaril tabata presente na momento di Recorda Heroenan di di dos guera mundial. Pa 2 aña no por tabatin publico presente, y e aña aki e Dam tabata completamente yen di hende pa experencia esaki. Hunto minister Besaril, tabatin e otro ministernan plenipotenciario, minister presidente Hulandes Mark Rutte, y pareha Real Willem Alexander y Maxima. Potret cortesia Cas Real. 

  • Powered by SETAR