Oduber: A ahusta medida di entrada pa turista pa Covid19 debi na caida den reservacion

ORANJESTAD – Debi na e situacion di turismo negativo, gobierno a opta pa ahusta e medidanan pa turistanan cu ta bin Aruba cu vacacion for di Merca. Asina minister di turismo Dangui Oduber a bisa dialuna durante un conferencia di prensa. Entre nan, cu awor ta cambia e rekisito pa tin un test negativo 24 ora prome cu nan biahe, y a hala esaki pa 48 ora y tambe ta permiti antigen test na Aruba. E regla inicial a pone cu casi 30% di turismo a cay pa Aruba for di Merca, cu a pone cu mester a reconsidera esaki pa economia di Aruba. Mester a tuma un decision riba balansa entre economia y salud. Ademas ta evaluando e tipo di test cu ta haci, mirando cu e testnan no ta dunando e resultado cu mester pa loke ta pa haya informacion.