Tjon: E biaha aki ta nombra Korpschef pa un periodo defini

ORANJESTAD – E proximo hefe maximo di polis, Korpschef, lo keda nombra pa un periodo specifico aki, cu awor lo ta 3 aña. Asina minister di husticia Rocco Tjon a bisa den un conferencia di prensa. Mes momento a mustra cu e deadline pa solicita ta 10 di februari 2022 pa despues cuminsa selecta e persona mas cualifica y nombra esaki pa e periodo menciona. E solicitud ta tanto pa personanan den KPA como pafo di e cuerpo. A mustra cu otro personanan cu a tene e funcion aki, cu tabatin e salario aki, lo mantene esaki (schaal 16), manera ex korpschef Vanessa Kock. Algo cu segun e mandatario no ta algo inusual, ya cu tin varios persona caba cu ta ganando e suma aki, indicando cu e no ta un peso extra pa caha di gobierno, esta cu tin varios persona cu ta ganando e mesun suma.