Segun Hulanda, Aruba y Corsou mes ta dificulta reapertura di frontera Venezolano

DEN HAAG – E diferencia di deseo entre Aruba y Corsou ta pone cu reapertura di e frontera di Venezuela ta keda dificil. Asina documentonan di minister nobo di Relacion Exterior di Hulanda Wopke Hoekstra cu noticiacla tin den su poder, ta ilustra. A compronde di e documentonan cu for di augustus aña pasa e combersacionan riba nivel technico a inicia riba peticion di e regimen Maduro, cu Hulanda ta coordina. Sinembargo e deseonan diferente entre Corsou (cu ta desea pa habri e frontera pa caba) y Aruba (tin resistencia pa habri e frontera awor debi na Covid19 y e situacion di posibel refugiado) ta creando retraso, hunto cu e entrada di gobiernonan nobo na ambos pais recientemente.  Manera ta conoci, Aruba ta manteniendo e frontera cera cu Venezuela for di 2020 y cada 3 luna ta prolonga esaki. E ultimo prolongacion tabata na december y ta vence comienso di maart di e aña aki.