Rijna: No obstante cifra record di Covid19 na Bonaire, no mester Toque de Queda

Rijna: No obstante cifra record di Covid19 na Bonaire, no mester Toque de Queda

Posted on 01/14/2022 3:52 pm AST | Updated on 01/14/2022 3:54 pm AST

KRALENDIJK – Aunke cu tin 900 caso activo di Covid19 y 6 hendfe hospitalisa, no ta necesario pa pone Toque de Queda na Bonaire. Asina gezaghebber di e isla, Edison Rijna a bisa durante un conferencia di prensa diabierna atardi. E isla a conoce un record di 245 caso positivo pa un solo dia diabierna. Y e siman aki (ayera) a conoce 2 morto. E mandatario a anuncia varios medida adicional pa combati e contagio serio cu e isla ta conociendo, tur pa motibo di  Omicron. 

Entre e medidanan, tur negoshi mester cera 10or di anochi, y mayoria lugarnan mester opera na 50% di e capacidad di e lugar y tur caminda mester tin un tapaboca. Entierro por tin 30 hende maximo y misa mester tin 50% di capacidad y no ta permiti cantamento durante misa. Ta prefera misa digital si ta posibel. 

Tur e medidanan ta drenta na vigor diasabra y ta valido te 4 di februari 2022. Y entrante diadomingo awor, ta considera tur pais di riesgo halto. 

  • Na Bonaire mas di mitar di esnan cu a test pa Covid19 a test positivo!

    Na Bonaire mas di mitar di esnan cu a test pa Covid19 a test positivo!

    KRALENDIJK – Mas cu mitar di e testnan cu a wordo haci na Bonaire ayera a sali positivo. E situacion na e isla ta precario. Tin 477 caso aktivo di Covid19 na Bonaireawe 05 di januari 2022. Di e 216 resultadonan di e testnan cu a drenta, 129 a resulta di ta positivo. Tin 4 persona den hospital ku Covid-19. 11 persona a recuperadi Covid19.

  • Bonaire a kibra record di casonan positivo nobo pa un dia, di Covid19

    Bonaire a kibra record di casonan positivo nobo pa un dia, di Covid19

    KRALENDIJK – Bonaire a kibra su record di casonan positivo pa dia awe cu un total di 133 cu a test positivo riba un solo dia. Di e 236 test cu a drenta, e cantidad di 133 pues tabata positivo. Cu esaki, awor tin 359 caso activo na Bonaire. Mester bisa cu di e 133 positivo, 50 tabata di bishitantenan. Tin 4 persona hospitalisa y 36 a recupera.  

  • Buelo di Bonaire pa Hulanda no por a sigui pasobra capitan a test positivo pa Covid19

    Buelo di Bonaire pa Hulanda no por a sigui pasobra capitan a test positivo pa Covid19

    KRALENDIJK – Un buelo di Bonaire pa Hulanda diamars anochi mester a cancela, pasobra e capitan a test positivo pa Covid19. E tripulacion cu a bira ‘bieu’, osea cu a pasa nan ora di traha, mester a bula nan mes pa Corsou, ya cu no por a ubica pasaheronan den hotel na Bonaire pasobra tur hotel tabata yen. Na Corsou, e pasaheronan a haya hotel y mainta, e crew ‘nobo’ por a bula e avion y hibe Hulanda. Ta trata aki di un buelo di TUI cu un avion dreamliner.  Potret di e avion na Corsou, cortesia Dick Drayer.

  • Na Bonaire un persona a fayece y a yega 198 caso activo total di Covid19!

    Na Bonaire un persona a fayece y a yega 198 caso activo total di Covid19!

    KRALENDIJK – Bonaire diaranson a yega 198 caso positivo activo di Covid19 y no menos cu 37 caso riba un solo dia positivo, cu pa e isla ta sumamente halto.   Di e 142 resultadonan di test  u a drenta, 37 a resultá di ta positivo. Cerca algun caso nobo e fuente di contagio ta na scol of acohida di mucha. Tin 2 persona di Bonaireden hospital ku Covid-19. 9 persona a recupera di Covid-19. Tin 1 persona a fayesé pa motibu di Covid-19. 

  • Varios politico y gobernante di Bonaire a keda menasa cu morto

    Varios politico y gobernante di Bonaire a keda menasa cu morto

    KRALENDIJK – Varios gobernante, for di Gezaghebber te na diputado y lider politico na Bonaire a wordo menasa cu morto diaranson. Ta trata di un post riba Facebook di un tal Wim van Huizen, cu a pone 50 mil dollar riba cabez di cada un di e 4 gobernantenan of lider politico menasa. Esnan cu a ricibi menasa ta Gezaghebber Edison Rijna, diputadonan Nina den Heyer (MPB) y James Kroon(Diputado y lider di UPB) y lider politico Elvis Tjin Asjoe (MPB). Den un reaccion na noticiacla, Gezaghebber Rijna a confirma cu e la haci denuncia contra esaki.

  • Diputado di isla di Bonaire a test positivo pa Covid19

    Diputado di isla di Bonaire a test positivo pa Covid19

    KRALENDIJK – Diputado di Bonaire pa partido MPB, sra Nina den Heyer a test positivo pa Covid19. Den fin di siman, e votegetter di e ultimo eleccion di e isla a confirma cu e la keda contagia cu e virus, pero cu e ta ok. Dialuna, e la confirma pa noticiacla, cu aparte di un tosamento fastioso, e ta sinti ok. A gradici pa tur e atencion cu e la y ta hayando di tanto sostenedornan como tambe esnan cu no a sostene, pero cu si ta apoye awor. Den Heyer tabata un di e prome mandatarionan di e isla cu a ricibi su dos vacunanan.

  • Powered by SETAR