Analysis: Pakico si, y pakico no…

Analysis: Pakico si, y pakico no…

Posted on 01/14/2022 9:47 am AST | Updated on 01/14/2022 10:34 am AST

Tur ora mi tin cu ‘hari’, pa no haci otro ora mi mira comentario of reaccion riba cierto noticianan cu wordo ubica en general, of mas specifico riba noticiacla.com. Mi ta compronde cu no tur ora bo ta di acuerdo cu e noticia, depende ki banda di e noticia bo ta para. 

Hopi ta e biahanan cu hende ta puntra pakico tal y tal cos ta wordo considera como ‘noticia’. Aki e mesun punto ta bin dilanti, esta cu no tur hende ta wak ‘noticia’ cu e mesun wowo, y/of ta cualifica ‘esaki of esaya’ como noticia. Hopi ta confundi PR y noticia, y ta kere cu nan ta mescos of cu nan tin mesun peso. 

Un ehempel classico ta ora cu cierto cosnan sosode cu cierto persona(nan) cu ta haya atencion ora cu ‘esaki of esaya‘ a pasa cu e persona of grupo of compania en cuestion. “Nan tambe ta hende, mescos cu nos”, ta e comentario mas comun e ora. “Con esaki ta noticia?” ta e siguiente pregunta. Of, “Pakico a opta pa tapa wowo di ‘esaki of esaya’, siendo cu tur hende supuestamente sa ken e persona of personanan ta”. E ora ta bira momento pa mi bisti mi sapato di maldad (stoute schoenen), y bisa esnan cu ta bisa ‘esaki y esaya’, pa ‘keda riba nan teritorio di dominio’, osea ‘schoenmaker blijf bij je leest’. No tuma mi na malo. Laga mi splica toch. Den mundo di noticia, un persona cu tin un cierto funcion of titulo, manera un asina yama ‘voorbeeldsfunctie’ ta haya un conotacion diferente den mundo di noticia. Punto. Ora cu p.e. un minister, presidente of un hefe di un compania multinacional bisa algo, e tin mas peso cu ora cu un persona ‘comun’, bisa porta algo specifico, of e frase cu abo cu mi a bisa, ta exactamente mescos. Simplemente pasobra nan (e persona cu funcion di ehempel) tin un responsabilidad mas grandi cu ami cu bo. Y ora cu NAN bisa algo, e kier men algo poco diferente y tin consecuencia diferente. 

Recientemente tabatin keho ora cu cierto persona wordo raporta di a haya Covid19. E pregunta tabata surgi, ‘Pakico haci esaki un noticia? Esaki ta su bida priva, respeta esaki, esaki no ta noticia pasobra ami tambe a hay’e y e no tabata noticia”. Wak rond, internacionalmente, ora cu cada ‘persona di peso’ a haya e virus, e la bira noticia. Asina e mundo di noticia ta funciona. Den e caso di e virus mundial, e mencion ta pasobra e.o. e ta mustra asina cu e malesa aki no ta discrimina. Y ora cu un persona den e caso aki actua diferente, e tin consecuencia pa henter e pais. Tuma e ehempel na Corsou, unda cu e minister actual di salud no kier a bisa si e la vacuna of no, mientras cu gobierno completo ta core campaña di vacunacion contra e virus Covid19. Si e no kier vacuna, ta su derecho, pero e ta manda un señal pa e resto di e isla, sugeriendo e.o. cu nan no mester vacuna. Y pesey e ta bira noticia. E ta contradeci su gobierno y esaki ta bira un problema di maneho. Pa colmo, recientemente e tambe a keda contagia cu e virus y como tal e la bira noticia. Aki na Aruba tambe tabatin un caso asina e siman aki ora cu director di hospital a test positivo. Aki tambe a cuestiona pakico esaki ta noticia, y pakico ta publica algo cu mester ta priva. Den e caso aki tambe e ta haya mas peso, pasobra e ta mustra cu ‘hasta un director di hospital’, no a scapa di e virus aki. Den e caso aki y mayoria otro, ta e persona mes ta opta pa anuncia esaki, pues no ta violando ningun tipo di privacidad. Loke a hala atencion tambe den e caso aki, ta cu e director a opta pa no vacuna, cu ta su derecho pero cu un reciente articulo den un vespertino, a trata e caso aki. E minister di salud no a gusta, y esaki a bira e noticia. Mientrastanto e asunto a keda regla entre e partidonan. Ora cu lansa comentario,  ta bon e ora pa puntra prome cu lansa e atakenan’ ora cu cuestiona cierto cosnan. Y asina por sigui. Recientemente un minister local a bisa cu e no tabata sa cu no por a tira klapchi dia 6 di januari siendo cu ley ta prohibi esaki. E mandatario su reaccion tabata algo den direccion di ‘awel bin busca mi pa cera’, of y ‘laga nan mandami e multa, nan sa unda pa haya mi’. Un reaccion asina, ta manda e mensahe robez pa comunidad, unda cu si ami of abo bisa esaki, ora di actua contra ley, nos no ta wordo bon sirbi. Y ora cu un mandatario declara cierto cosnan, e TA bira noticia, pa e simple motibo di e peso di e persona cu e tin, y e loke e la bisa y e impacto cu e por tin riba un comunidad. Otro biaha cu bo wordo gara ta haci algo illegal, bo tambe por bisa, mi no tabata sa, y cla ta toch? Pero ley no ta funciona asina. Mi por menciona tambe cu p.e. tin masha hopi hurisprudencia di casonan di difamacion den Corte cu politico, mandatario o personanan den funcion publico a entama, cu unu pa unu nan a perde como cu hues a bisa nan: "Hoge bomen vangen veel wind". Ta hala di e casonan aki tin.Y asina tin mucho mas motibo di splica pakico cierto cosnan ta bira noticia y pakico cierto cosnan no. Cu bo no ta compronde of kier compronde, ta un, pero pa cuestiona e maneho di e medio, sin mas mas, si no ta na su lugar. Pa esnan cu ta cuestiona, awel, awor bo sa.  Saludos.

Scirbi pa Tito Lacle.

  • Sindicatonan ta insisti! Mester paga reparatietoeslag completo fin di augustus awor!

    Sindicatonan ta insisti! Mester paga reparatietoeslag completo fin di augustus awor!

    ORANJESTAD – E cinco sindicatonan SIMAR, SPA, SEPPA, SADA y TOPA diaranson (ayera) a informa Gobierno di Aruba (lesa: Prome Minister Evelyn Wever Croes) cu nan ta para riba nan punto y ta exigi pa Gobierno paga nan e asina yama reparatietoeslag completo (AWG 1918,=), den e salario di augustus 2022, esta e luna aki. Asina e sindicatonan a contesta Gobierno su carta di siman pasa. Ademas e ponencia den e carta di Gobierno unda cu minister Maduro (Finanzas) lo a bisa recientemente cu a reserva placa pa paga 5% pa resto di e aña calendario, ta ‘leu di berdad!’. 

  • Otro siman e rotonde nobo na cruzada di Elmar na Playa ta cla!

    Otro siman e rotonde nobo na cruzada di Elmar na Playa ta cla!

    ORANJESTAD – E construccion di e rotonde na e cruzada di Elmar ta avansando. DOW a informa e siman aki cu diasabra dia 13 di augustus 2022, nan lo cera e crusada/rotonde for di 6’or di atardi y habri dialuna dia 15 di augustus 2022 pa 3’or di marduga.

  • Aruba ta cla pa e di 4 edicion di “Vow Renewal” na Eagle Beach

    Aruba ta cla pa e di 4 edicion di “Vow Renewal” na Eagle Beach

    ORANJESTAD - Despues di 2 aña di break, diahuebs awo, dia 11 di augustus, e di 4 edicion di Aruba su ‘Vow Renewal’ lo tuma luga na Eagle Beach, durante bahada di solo. Te cu e momento aki tin 175 pareha registra, e mayoria ta for di Estados Unidos. 

  • Casa di Gobernador di Aruba a publica buki di receta

    Casa di Gobernador di Aruba a publica buki di receta

    ORANJESTAD – Casa di Gobernador di Aruba Alfonso Boekhoudt, esta sra Hanneke Boekhoudt, no a sinta keto mientras cu su casa ta eherce e funcion di Gobernador, y a publica recientemente su buki di receta, titula ‘Con Gusto!,. 30 succesrecepten’. E ta un buki, manera e titulo ta bisa, di 30 receta di cuminda na Hulandes. Gobernador mes a mustra su orguyo, door di lansa esaki riba su pagina di Facebook y a informa alavez cu e siguiente proyecto di su casa ta pa lansa e mesun buki na ingles. Ta desea e casa tur cos bon cu e buki. “Orguyoso di mi casa su logro” Gobernador a pone riba su pagina personal, mustrando su orguyo pa su casa.    

  • Biaheronan pa Aruba no ta obliga mas pa segura contra Covid19

    Biaheronan pa Aruba no ta obliga mas pa segura contra Covid19

    ORANJESTAD – Entrante ayera, biaheronan pa Aruba no mester busca seguro mas pa Covid19, e asina yama ‘Aruba Visitors Insurance’. Cu esaki, tur rekisito pa Covid19 ta keda cancela. Pero, si un bishitante test positivo pa Covid19, e tin cu isola ainda si. Fuera di esey, no tin nada mas di restriccion. Pa esnan cu biaha pa Aruba, tur cu permanece mas cu 24 ora riba e isla, mester yena un ED card si (Embarkation and Disembarkaion Card. Asina mes, autoridad local por re institui tur regla si esaki bira necesario. 

  • Aruba a raporta 189 caso nobo di Covid19 siman pasa

    Aruba a raporta 189 caso nobo di Covid19 siman pasa

    ORANJESTAD - Siman epidemiologico di 31 juli pa 06 augustus 2022  ta indica cu 201 persona a recupera y un total di 189 caso nobo di COVID-19 a keda registra. Ningun persona a fayece y cantidad di casonan activo di COVID-19 pa awe ta 121. 

  • Powered by SETAR