Hulanda ta anuncia suavisacion di medida contra Covid19 diabierna

DEN HAAG – Diabierna Hulanda a anuncia suavisacion di medida contra Covid19 pa negoshi, enseñansa y deporte, pero ta mantene horeca cera. Diabierna anochi Gabinete Rutte IV lo tene un conferencia riba e tema. E medidanan ta nifica cu diasabra por bay pelukeria atrobe, haya lesa den Universidad, y por duna les fisicamente di nobo. Gymnan ta habri atrobe, pero horeca y e sector cultural ta keda cera por lo menos. E lockdown actual ta caduda mayan. Tabatin presion riba e gabinete mirando cu e contagionan ta bahando y como tal mester a haci algo.