Auto ta bolter dilanti Certified Mega Mall y saca ocupantenan

ORANJESTAD – Diasabra anochi mas o menos 10 or   a sucede un accidente basta serio dilanti Certified Mall riba L.G. Smith Boulevard. Un chauffeur den un Suzuki Ignis tabata biniendo cu velocidad hopi halto y a hala na su man drechi, perde control y keda bolter. Durante cu e auto tabata bolter e auto a saca e 2 ocupantenan for di e auto. Un di e hobennan cu tabata drumi patras den auto no a wordo saca y a keda den e auto. E  tabata keha dolor na su garganta. E dos otro ocupantenan cu a keda benta pafo di e auto a keda seriamente herida. E damita a fractura su pia y e otro hoben a haya hopi sla na su curpa. Varios unidad di polis, dos ambulance y dos unidad di brandweer a bay na e sitio. Na prome instante a wordo bisa cu e auto tabata na candela, pero na yegada brandweer a bin compronde cu no tabata tin candela y e personal di brandweer a asisti personal di ambulance. Tur tres ocupante a wordo transporta cu hopi urgencia pa hospital. E area a keda un rato cera pa asina polis por haci mas investigacion