Secretario di estado Hulandes Alexandra van Huffelen a manda su prome mensahe

DEN HAAG – E reunionan pa loke ta formacion di gobierno nobo Hulandes ta den su fase final. Por lo menos asina e lider di e partido mas grandi di Hulanda, Geert Wilders a anuncia diaranson. E negosiadornan ta bek den e camber di negosacion. Tabata dos dial argo dialuna y diamars, y e reunion a continua diaranson atrobe. ‘ Tabatin un pagina di un posibel concepto di acuerdo di gobernacion cu tabata bisto via un potret di un documento carga pa un di e participando. E ‘ambiente’ ainda ta bon y ta mustra bon aunke no por papia ainda di un exito. E intencion tabata pa keda cla mitar di mei e luna aki pa formalisa e formacion. 

DEN HAAG – Ministerio publico a exigi 4 aña di prizon, di cual 6 luna condicional pa un chaufer di tuck cu a pasa 47 persona di contrabanda. E homber di 33 aña tabata purba trece e stranheronan cu su truck, pa un boto pa nan por a wordo transporta pa Inglatera.  E homber a keda atrapa na December di 2023. Ora cu un cacho pa detecta hende a reacciona positivo, e homber mester a habri su truck y polis Real (marechaussee) a descubri e hendenan aki. 

DEN HAAG  – Na Biblioteca Central di Den Haag a tuma lugar un asina yama Cena di Libertad, osea e “Vrijheidsmaaltijd” organisa pa Dutch Caribbean Book Club y Biblioteca Central di Den Haag. E “vrijheidsmaaltijd” ta un iniciativa di e Comité 4 en 5 mei cu ta responsabel pa e organisacion di e Conmemoracion riba 4 di mei y e eventonan den cuadro di “Bevrijdingsdag” na Hulanda. E “vrijheidsmaaltijd” ta tuma lugar na diferente citionan den diferente ciudadnan na Hulanda.

AMSTERDAM – Hulanda ta number 4 riba lista di paisnan cu ta goza di mas libertad di prensa mundialmente. Esaki ta conforme un rapport di Periodistanan Sin Frontera (RSF). Esaki ta un ascenso cu dos posicion di 6. Mester bisa cu na 2021, Hulanda a baha te posicion 28, cu e morto di periodista di crimen Peter R. de Vries. Aruba, Bonaire y Corsou no ta aparece riba e lista aki. Awe mundo ta recorda Dia internacional di libertad di prensa. Paisnan manera Merca ta hopi mas atras, y Venezuela p.e. ta un di e paisnan casi na final. Click AKI pa e lista completo di 180 pais cu ta figura riba e lista aki. 

AMSTERDAM – E morto violento di e Arubiano Johnny Ponson (65) na Amsterdam e siman aki ta yen di pregunta ainda. Asina ministerio publico ta raporta. E homber a wordo haya diasabra ultimo morto den su camber den e flat Gravenstein den Bijlmer. “Nos tin hopi pregunta ainda riba e victima y su bida”  Folkert van Dekken, cu ta lidera e ekipo di recherche investigando e crimen. “E no tabata sali hopi, pero tabata hopi servicial cu su bisiñanan. E tabata yuda nan cu nan papel di impuesto. E tabata pensiona pero ta yuda hende si. E tabata biba su so, pero tin 3 yiu cu dos muher. Riba e diasabra mainta di e suseso, un conoci di Ponson a sinti algo straño. “E victima a bestel cuminda den siman, pa busca den fin di siman. Pero e no a bin. Un otro amigo tabatin un cita cu ne e diasabra ey. E la bishite diadomingo pero ningun hende a contesta, cu ta straño pasobra semper e tabata na cas. E la alarma polis e ora cu a haya e curpa. Mientras cu Ponson tabatin algun dia morto, no ta conoci ainda cuanto dia. 

SCHIPHOL – E aeroliña Air France-KLM a registra su prome perdida di mas grandi desde e crisis di Covid, durante e ultimo cuartal. E aeroliña tin problema cu e tension geopolitico rond mundo, unda cu avionan tin cu bula pa evita cierto paisnan, haciendo e buelo mas largo y mas caro, y tambe cu piesanan di avion ta yega laat. Ademas, e perdida ta tambe ta debi na aumento di gastonan salarial mientras cu e entrada di transporte di carga a laga di desea.