Secretario van Huffelen ancioso pa conoce nos mandatarionan di ‘aki bandanan’

DEN HAAG – Awe mainta despues di a huramenta como secretario di estado Hulandes pa Asuntonan di Reino Hulandes y Digitalisacion, e mandatario drs Alexandra van Huffelen a comenta riba su cuenta di twitter cu e ta ansioso pa conoce ‘e hendenan di e parti di Caribense di reino Hulandes’. E la saca un potret para dilanti un pida arte cu ta refleha borchinan di cu nomber di tur e islanan ariba dje, incluyendo Aruba. Van Huffelen ta reemplaza Raymond Knops, cu awe mainta oficialmente a traspasa su documentonan. Aunke a compronde cu inoficialmente for di siman pasa a cuminsa repasa documentonan di Caribe, pa e ta na altura mirando cu tempo aworaki no ta na fabor y cu dentro di corto ya caba decisionan mester cay pa cu e parti aki di Reino. Pa dia 21 di januari proximo lo tin e proximo reunion di Conseho di Minister di Reino y aki mas sigur lo dicidi e siguiente paso pa cu e islanan aki, incluyendo Aruba.