Minister ta sigura di no tabata na altura cu no por a tira klapchi mas despues di 1 di januari

Minister ta sigura di no tabata na altura cu no por a tira klapchi mas despues di 1 di januari

Posted on 01/10/2022 11:07 am AST | Updated on 01/10/2022 11:08 am AST

ORANJESTAD – “Ruman, hiba mi cera anto” tabata reaccion di minister di Finanza Xiomara Maduro riba un pregunta di prensa dialuna mainta, pasobra e la tira klapchi riba dia 6 di januari siendo cu esaki no ta permiti. Despues di esaki no ta permiti mas. Tin un decreto ministerial cu ta permiti tiramento di klapchi te dia 1 di januari pa 1’or di merdia, cu noticiacla a raporta for di 2019, cu ta sigura esaki. No ta conoci si despues esaki por a cambia.  . E mandatario sinembargo a pone un potret di dje despues di a tira pagara pafo di su cura, dia 6, citando cu ta custumber y cultura di Aruba. Ora cu a confronta e mandatario cu esaki no ta ley, y cu e la viola esaki, e contesta tabata cu e no tabata na altura y cu e ora mester bin cere of cobre multa. “Nan sa unda pa haya mi’, e mandatario a sigui bisa. E potret ta di e facebookpage di e mandatario. 

  • Oduber: Ta desmenti cu no ta paga ambtenaarnan no vacuna contra Covid19 si nan bay den cuarenta

    Oduber: Ta desmenti cu no ta paga ambtenaarnan no vacuna contra Covid19 si nan bay den cuarenta

    ORANJESTAD – “Ningun momento no ta pagando ambtenaar si nan bay den cuarenta y no a vacuna”. Asina minister di salud Dangui Oduber a reacciona riba e noticia cu a circula den cierto medio, y cu a bay asina leu cu gobernantenan Hulandes a haci pregunta riba e tema aki. E tema di e articulo en cuestion a bira conoci ora cu parlamentario Marisol Lopez Tromp a cuestiona e hecho aki, refiriendo na un memo cu lo ta bisa cu no ta paga ambtenaarnan si nan tin cu bay den cuarentena pero no ta vacuna. Gobierno di Aruba (lesa: Minister Dangui Oduber) a reacciona y purba coregi contenido di e articulo. “E articulo y su cabez ta incorecto y no ta basa riba hechos” e mandatario ta cuminsa na bisa. Segun e mandatario, e ta un ehempel evidente pa troce informacion cu metanan di crea sensacion.  

  • Warda di polis di Playa ta muda pa edificio di ex Codemsa

    Warda di polis di Playa ta muda pa edificio di ex Codemsa

    ORANJESTAD – Warda di polis di Playa ta muda pa e edificio di ex Codemsa na Morgenster. Asina minister di Husticia Rocco Tjon a confirma diabierna mainta pa Noticiacla. Hunto cu e warda, lo muda tur departamento di husticia den e edificio aki tambe. E minister no por a duna fecha exacto, pero cu e lo bira un edificio super modern. E idea di muda no ta nobo si. Den pasado recien, tabatin te hasta idea pa muda e edificio di warda di polis di Playa y tur e otro departamentonan den ex Brown Building na Wayaca. Esaki no a sigui tampoco. Mientrastanto siman pasa minister Tjon a haya un recorido amplio di e ex-edificio di Codemsa. Esaki ta e lugar caminda ta bay ubica diferente departamento cu ta resorta bou di e Ministerio aki.

  • Oduber: Tempo tabata factor pakico no a tene destaho pa desaroya Health App

    Oduber: Tempo tabata factor pakico no a tene destaho pa desaroya Health App

    ORANJESTAD – Tempo tabata factor pakico no a tene destaho pa desaroya e Aruba Health App. Asina minister encarga cu Salud Dangui Oduber a contesta un di e preguntanan dirigi na dje door di parlamentarionan di Aruba. E mandatario diaranson a sigura cu recientemente den un carta a contesta miembronan di Parlamento di Aruba sra. Wyatt-Ras y sra. Lopez-Tromp riba nan preguntanan haci tocante entre otro e Aruba Health App, e investigacion cu tin adando y precedimento di pagonan pa cu e PCR test. Y aki ta unda cu e pregunta di destaho publico tambe tabata.

  • Tin 18 miyon florin presupuesta pa paga mitar di e recorte di 12,6% den aña 2022

    Tin 18 miyon florin presupuesta pa paga mitar di e recorte di 12,6% den aña 2022

    ORANJESTAD - Tin 18 miyon florin presupuesta pa paga mitar di e recorte di 12,6% den aña 2022. Pero tur cos ta depende kico Hulanda dicidi den e proximo reunion di RMR. Asina minister di finanza Xiomara Maduro a bisa e siman aki. E suma aki ta refleha den un subida di gasto di 8 miyon na Gasto di Personal y un subida di 10 miyon na gasto di Subsidio. 

  • Premier Wever a tene prome reunion virtual cu secretario di estado nobo Hulandes van Huffelen

    Premier Wever a tene prome reunion virtual cu secretario di estado nobo Hulandes van Huffelen

    ORANJESTAD – Prome Minister Evelyn Wever Croes tabatin su prome reunion virtual cu secretario di estado Hulandes pa Asuntonan di Reino, Alexandra Van Huffelen dialuna mainta despues cu e mandatario a huramenta. E prome mandatario di Aruba a confirma e reunion y a expresa palabranan di felicitacion na e Secretario di Reino pa e siguiente periodo. 

  • Maduro: Presupuesto 2022 ta na Raad van Advies ainda!

    Maduro: Presupuesto 2022 ta na Raad van Advies ainda!

    ORANJESTAD – Mientras cu na september di 2021 gobierno di Aruba a bisa cu lo trata presupuesto di 2022 na januari di 2022, dialuna mainta minister di finanza Xiomara Maduro a bisa cu e presupuesto ainda ta na Raad van Advies. E no a duna fecha si ta logra entrega e presupuesto ainda pa januari 2022 manera cu a bisa anteriormente. Unabez cu e presupuesto bolbe di RvA, gobierno tin cu manda cambio di esaki y despues numa por manda e presupuesto pa asina parlamentarionan haci pregunta. Pues e tratamento di esaki ta mustra cu lo no ta pa januari mas manera indica inicialmente. Ta conoci cu presupuesto aproba mester ta entrega pa 15 di December di e aña anterior na CAft. Cos cu no tuma lugar pa algun aña caba. 

  • Powered by SETAR