Gobierno a pone ultimatum pa sindicatonan riba recorte salarial

ORANJESTAD – Den un carta diasabra (awe) prome minister Evelyn Wever Croes a contesta sindicatonan SEPPA, SADA, SPA, SIMAR y FTA cu ta duna nan un ultimatum di dialuna merdia awor, pa bisa si enberdad nan no mester di informacion financiero mas y si ta asina, ta cancela e reunion tambe cu nan pa dialuna 3’or di atardi. E mandatario a mustra cu e corespondencia entre nan no tabata yudando, y tabata crea mas bien confusion. Y ta mustra mas bien cu ta un guera tabata hiba riba papel.