Detencion di yiu di prome minister Wever y yiu di di politico Williams prolonga!

Detencion di yiu di prome minister Wever y yiu di di politico Williams prolonga!

Posted on 01/7/2022 5:10 pm AST | Updated on 01/7/2022 5:10 pm AST

ORANJESTAD – Tanto e detencion di yiu di prome minister Wever, esta Kevin W. como yiu di e politico Micheal Williams, Chris W. a keda prolonga diabierna atardi. Ambos den curso di dia a presenta na warda di polis unda cu ambos a keda interoga y despues a dicidi pa prolonga e detencion di ambos cu 2 dia. Esey kier men cu nan ta keda deteni pa 2 dia, pendiente e siguiente pasonan. Esey sinembargo no ta un garantia cu nan lo keda deteni pa tur dos dia, sino te ora cu huez comisario dicidi otro. 

E DETENCION 

Manera cu e portal aki a raporta caba, e detencionan ta den cuadro di un problema cu a surgi na November ultimo unda e dos personanan aki lo a topa otro y un que otro a tuma lugar resultado den bringamento y destruccion na un restaurant local na Aruba unda cu un chef di e restaurant a keda herida na su braza. Denuncianan a wordo haci e tempo ey y algun persona a keda deteni, entre nan ruman di Chris W, esta Nigel W. y despues laga bek den libertad. Awor a toca turno na e ruman Chris cu a presenta na warda. 

REACCION DI FAMIANAN Y OM

For di prome minister Wever, e portal aki no a logra haya reaccion oficial ainda y tampoco ministerio Publico, cu den e caso aki no kier a ni duna inicial contrario na biahanan prome. For di e famia di Chris W, e portal aki a haya comentario di e tata, esta Micheal Williams, cu a mustra cu ta pa tapa cara y haci damage control, a dicidi di cera su yiu homber tambe, siendo cu no tin nada riba su yiu. E ta sigui mustra cu tur esaki ta bagamunderia politico pa scapa cara di yiu di e prome minister. Finalmente, e la cuestiona e hecho cu a tarda asina hopi pa detencion di e yiu homber di prome minister cay, unda cu a opta pa laga e casa prome, bay vacantia y despues awor detene ora anja habri. “Nan no tin nada riba mi yiu” Williams a finalisa su comentario pa e portal aki. 

  • Claudius Phillips ta gana caso contra Daury Rodriguez, cu tin cu rectifica awor!

    Claudius Phillips ta gana caso contra Daury Rodriguez, cu tin cu rectifica awor!

    ORANJESTAD – E ciudadano Daury Rodriguez tin 24 ora pa rectifica su declaracion difamatorio contra e musico Claudius Phillips, of ta haye ta paga un multa di 500 florin pa dia of parti di e dia te na un maximo di 25 mil florin. Esey tabata e sentencia cu Corte a dicta diaranson den e caso cu e musico a entama pa drecha su nomber relaciona cu un Facebook post contra dje. Den e post, Rodriguez ta tilda Phillips di ta un pedofiel, den cuadro di e hecho cu Phillips lo a wordo homenagea luna pasa como un musico di San Nicolas. Ta riba e post ey, Rodriguez a reacciona pa cual Phillips a dicidi di hibe corte finalmente. Finalmente pasobra e la duna Rodriguez chens pa rectifica caba, pero e ultimo aki a reta Phillips pa hib’e corte. 

  • OM: Polis lo intensiva proceso ora di posesion di arma di candela illegal

    OM: Polis lo intensiva proceso ora di posesion di arma di candela illegal

    ORANJESTAD - Ministerio Publico y Cuerpo Policial di Aruba ta informa cu polis lo intensiva e manera di procede ora di posesion di arma di candela ilegal den e tempo venidero y na varios sitio na nos isla. Esaki relaciona cu e aumento di e cantidad di incidente di arma di candela na Aruba. 

  • Corte: Mester conecta coriente bek pa Reflections Beach Bar and Restaurant

    Corte: Mester conecta coriente bek pa Reflections Beach Bar and Restaurant

    ORANJESTAD – E compania Navarra Properties NV tin 48 ora pa reestablece e coneccion di coriente pa e negoshi Dontom Horeca NV miho conoci como Reflections Beach Bar and Restaurant na Surfside. Asina Corte a dicta diaranson den un setencia adelanta. Mientras cu e disputa entre e compania cu ta opera e negoshi y e compania cu ta doño di e tereno ta andando, Corte a dicta cu e e compania cu a corta e coriente algun siman atras di e restaurant, mester pone esaki bek y cu gobierno (pais Aruba cu ta doño di e tereno) mester permiti Elmar pa conecta esaki. A impone un multa tambe pa tanto gobierno como e compania cu a laga kita e coriente, si nan no cumpli cu esaki. 

  • Hof ta impone pa kita sumanan grandi for di criminalnan di droga

    Hof ta impone pa kita sumanan grandi for di criminalnan di droga

    ORANJESTAD - Ayera Corte Superior di Husticia a dicta den dos caso di ontneming contra cuatro persona, kendenan un tempo pasa a wordo condena relaciona cu participacion na dos organizacion criminal di traficacion di droga.

  • PG: Tin instruccion nobo pa procedimiento penal ora di delitonan sexual

    PG: Tin instruccion nobo pa procedimiento penal ora di delitonan sexual

    ORANJESTAD - Procurador-general di Aruba a saca dos instruccion (richtlijn) nobo recientemente. Instruccionnan ta encera reglanan pa investigacion y persecucion di hechonan castigable. 

  • Huez ta declara dos persona liber di falsifica documento pa transporte di bara di oro

    Huez ta declara dos persona liber di falsifica documento pa transporte di bara di oro

    ORANJESTAD – Casi 5 aña despues cu e caso a tuma lugar, dos persona sospecha di falsificacion di documento y labamento di placa den caso di transporte di baranan di oro pa Dubai via Aruba cu a haya e nomber Alpina, a keda declara liber pa huez. Ta trata di e personanan J.C. Toro Rodriguez y R.A. Gonzalez Zambrano, cu a lucha largo pa por a presenta nan Inocencia. Segun e trahado di e compania Rodriguez, semper a trata e proceso di transportacion asina di mesun forma, y diripente e transporte di 52 barra di oro, balora na 2 miyon dollar, tabata mustra sospecho pa cual a detene e personanan aki. Huez a mustra cu no por a prueba cu e dos personanan aki a actua di forma illegal, pa cual a kita e cargonan y declara nan liber. Awor ta keda e proceso pa nan haya aceso bek na e baranan, ya cu esaki ta un otro asunto. Declara e dos personanan liber ta un cos, pero awor mester prueba cu e baranan di oro enberdad ta pertenece na nan, pa cual mester cuminsa un otro proceso dificil pa logra convence huez. Como tal huez awor no por a debolbe nan e baranan, aunke cu nan ta liber. Click AKI pa e sentencia di Zambrano y AKI pa e sentencia di Rodriguez. 

  • Powered by SETAR