SHABA – E yiu di prome minister Evelyn Wever, Kevin Wever a entrega su mes despues cu tabatin un orden di detencion contra dje relaciona cu un problema cu a surgi fin di aña pasa na un club nocturno y despues a keda deteni. Vocero di ministerio publico Ann Angela a confirma cu tabatin un detencion den e caso aki pero no kier a divulga e nomber ni inicial 'relaciona cu e derecho riba privacidad'. E yiu homber a bin warda di Shaba cu su abogado.
E CASO
Tabata na November di aña pasa cu premier Evelyn Wever a confirma cu su yiu homber Kevin a keda agredi di trinshon den fin di siman di november. E mandatario a confirma e noticia presenta pa e portal 24ora.com durante un conferencia di prensa. Segun sra Wever, e yiu homber a keda agredi dos biaha pa un di e yiu hombernan di e politico y comerciante Micheal Williams, y despues tire cu glass durante un cena na un restaurant local diadomingo anochi. E pareha di e yiu di premier Wever, segun e prome mandatario, lo tabata celebrando cumpleaños di e e dama pareha. Segun sra Wever, e yiu homber a entrega keho contra e rumanan Williams. E problema tabata no solamente cu e casa di e parlamentario, y ambos homber ta yiu di conocido comerciante Micheal Williams cu a participa den e ultimo eleccion Parlamentario cu su propio Partido. E no a logra haya suficiente voto pa drenta Parlamento. No a logra haya e version di e contra partido y rapport di polis riba e suceso ainda.
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.
ORANJESTAD - Diabierna anochi, radarnan a detecta movecion di un boto sospechoso den direccion di Aruba. A pidi e avion DASH di Wardacosta pa asisti pa verifica e contacto. Den ora nan di marduga di diasabra, 2 Metal Shark a sali pa asina topa cu un boto tipo 'Yola' cu un total di 9 persona indocumenta cu nacionalidad Venezolano abordo. Prome cu unidad nan a yega, persona nan riba e boto a logra di benta bultonan den awa, pero unidad nan di Wardacosta cu asistencia di e helicopter a recupera nan. Ta trata di mas o menos 850 kilo di cocaina i marihuana, cu a wordo confisca.
ORANJESTAD - Diasabra durante dia e team di Narcotica a hasi diferente entrada hudicial y tambe detencion. E team Narcotica ta trahando incansablemente pa combati e bendemento di droga diariamente. Ayera a detene e homber F. di 32 aña na ex United Dinner pa bendemento di droga. A confisca diferente droga entrenan cocaina, cocaina base, marihuana y tambe a haya municion. Tambe a haci entrada hudicial na Panamastraat. Eynan Team Narcotica a confisca cocaina y marihuana. Durante e accion di Team Narcotica a forma parti, e team di Aresto , Flex Team y Unidad di K-9. NOTA: E potret ta di archivo di noticiacla.com y no ta necesariamente uno actual durante e caso relata cu e articulo en cuestion.
ORANJESTAD - Diabierna mainta pa 06:55 central di polis a manda patruya pa e conocido di nan faam L. na su cas situa na Brazil cu lo a pone objetonan riba caminda pa stroba e trafico. Ta asina cu na yegada di patruya ta papia cune e homber L. pero e no ta rasonay na dado momento polis a bay pa detene e homber.