Minister Earl Balborda a entrega su retiro na gobernador

WILLEMSTAD - Awe tardi laat minister di e.o. Trafico y Comunicacion di Corsou, Earl Balborda, a dicidi di entrega su retiro na gobernador George-Wout. Esaki despues cu e situacion no tabata duna mas pa keda como minister. Anteriormente partido cu e tabata minister pe, esta Nashonal, tabata di tene nan reunion awe nochi pa discuti e tema. Sinembargo e reunion a keda pospone pa otro siman diahuebs 12 di maart. E intencion tabata pa e mandatario keda como minister te e momento ey. Sinembargo e la dicidi otro.

DESPEDIDA

For di awe mainta e la manda un nota (lesa e nota aki) di despedida unda cu e ta splica su situacion. Ayera ora cu e la dicidi di subi trapi di forti pa bishita gobernador, a kere e momento ey cu e lo a haci esey pa entrega su retiro. Sinembargo esey no a resulta e caso. Mientrastanto rumornan persistente ta mustra cu ta preparando un otro persona pa asumi e tarea di minister, den persona di Caresse Peternella. No ta conoci si e lo acepta e tarea aki. Den fin di siman lo tin mas informacion riba e tema aki.