- Parlamentario Ryçond Santos Do Nascimento ta invitado den Noticiacla LIVE awe nochi
- Otmar Oduber: Testigo principal pa defensa den caso Flamingo no por declara dilanti Huez Comisario
- Gobierno y CAFT ta den proceso pa reemplaza actual miembro pa Aruba ora su termino vence
- Oduber: Maneho nobo pa haya permiso pa hotel; Ta permiti solamente Boutique hotels!
- AZV: Contracto cu dentista Mayra Rosales ta termina
Cambio di nivel pa Aruba door di CDC a haya mas atencion e biaha aki
ORANJESTAD – E hecho cu ta Aruba so a wordo cambia di nivel mas halto pa Covid19 e siman aki pa Centers for Disease Control (CDC) and Prevention, no a cay bon pa nos. Esaki pasobra tur e atencion a bay riba Aruba. Analisando e panorama mundial, e portal aki a nota por lo menos 60 portal internacional di tur parti di mundo, cu a ‘single out’ Aruba como e ‘unico’ pais e aña aki te awor, cu a bira ‘peligroso’ pa biaha debi na Covid19. Normalmente ora cu anuncia nos cu mas pais, e agencianan di noticia ta scohe un of otro di e paisnan, y e atencion no ta asina ‘’pisa’ riba nos isla. Pero e biaha aki Aruba a resalta como e unico pais, cu ta haci e sla mas fuerte, manera cu por a compronde. Esey lo tin su consecuencia sigur pa no solamente Mericanonan, pero ta avisa otro paisnan tambe di e notificacion aki di Aruba su status, segun e portal aki a wordo informa.
LOCALMENTE
Localmente manera cu e portal aki a raporta caba, instancianan oficial manera AHATA y ATA y ATIA a raporta nan preocupacion caba riba e tema aki, y tabata notable cu esaki no tabata un sorpresa pa ningun di nan. Cada uno a duna nan opinion riba e tema, variando di 'nos a avisa cu esaki lo sosode', te na 'cancelacionan a cuminsa bira mas', te na 'nos tin cu traha awor pa nos baha di e lista ey'. Depende di e instancia, nan a relata segun nan informacion y relacion cu e tema.
Inteligencia Hulandes investigando politica Venezolano cu bista riba islanan ABC
DEN HAAG - Agencianan di inteligencia Hulandes, e inteligencia militar y seguridad (MIVD), y e servicio general di inteligencia y seguridad (AIVD) a uni forza pa investiga e panorama politico y militar Venezolano. Nan enfoke ta extende pa implicacionan pa Reino Hulandes cu atencion particular na e paisnan Aruba, Corsou y Bonaire. Entre e investigacionan aki, tin e regimen di Maduro pa solidifica su poder y stragecia pa e proximo eleccion na juli di e aña aki. Tambe tin e situacion fronteriso cu pais bisiña Guyana esta Essequibo. Internamente ta bisa cu e regimen militar ta marginalisa, y cu e oposicion ta bringando otro tambe. Ta mustra segun e investigacion inicial cu e regimen no ta mucho habri pa consesion pa eleccion honesto.
Baby di 15 luna na Italia a wordo mordi y mata pa dos pitbull
SALERNO – Dos pitbull a morde y mata n baby di 15 luna na Italia recientemente. E incidente a sosode den Salerno, un pueblo den sur di Italia. E mucha di e baby a keda herida durante e atake. E baby tabata den brasa di e tio, ora cu e cachonan a ranca e baby for di e brasa. E mama a purba rescata e baby, y a keda herida den e intento ey. E pitbulnan tabata di un famia cu ta biba den e mesun bario. Den un otro relato separa, dos luna pasa, un hoben di 15 aña, tambe na Italia, a wordo mata door di tres rottweilers. E cachonan a scapa di un cura den Manziana na Roma. E curpa a wordo haya door di un peaton den un parke. Den ambos caso, no tin informacion di kico precies a conduci na e atake di e cachonan aki.
Tin hopi incertidumbre riba supuesto atake di Israël riba Iran marduga
TEHERAN – Mientras cu tin informacion cu Israël a ataca Iran durante diabierna marduga, tur dos pais ta keto riba e atake aki. Iran ta bisa cu e la saca algun drone di Israël for di shelo, pero ta desmenti cu tabatin un atake di raket. Algo cu prensa Mericano si ta raporta. Iran no ta yama Israël como e culpable tampoco, dus tin hopi incertidumbre riba e atake aki. Recientemente Iran a haci un atake specifico y calcula riba Israël, y despues Israël a keda keto. Esaki ta un noticia den proceso.
Cantidad grandi di Dominicano bibando illegal na.Aruba a bolbe nan pais boluntariamente
ORANJESTAD/SANTO DOMINGO – Un cantidad grandi di Dominicano bibando ‘ilegamente’ na Aruba, a bolbe nan pais boluntariamente. Asina e portal El Nacional a raporta diamars. Na tur, ta trata di mas di 4.300 dominicano cu tabata residencia e.o. na Aruba, cu a bolbe nan pais bek den e ultimo 15 lunanan. E portal ta cita datonan ‘estadistica’ obteni di e aeropuerto di Las Americas. Fuera di Aruba, nan tabata ubica na e.o. Panamaá, Venezuela, Colombia, Mexico, Argentina, Chile, Honduras, Corsou, Spaña, Francia, Italia y Alemania. “Mas di 60% di e Dominicanonan aki ta muhernan”, e portal ta sigui bisa. E Dominicanonan cu a bolbe tabata haci trabou domestico, restaurant, beautysalon, y den centronan nocturno. “Nan tabata biba ilegalmente, soportando e persecucion di autoridad”. E hombernan tabata traha den agricultura, construccion, panaderia y otro tipo di negoshi”. Hopi di nan tabata biba entre 5 pa 6 aña bibando illegal, y a dicidi di bolbe boluntariamente. Pa nan por a bolbe, mester a haya sosten economico di nan famia na Republica Dominicano, y incluso e consuladonan cu ta representa e crioyonan na e paisnan aki” e portal ta sigui bisa. Un dato interesante ta bisa cu mas di 200 Dominicano a bolbe e aki caba (2024) y mayoria tabata di Panama, Venezuela y Corsou. NOTA: Noticiacla independientemente no por a verifica e informacion aki adkeri di e portal en cuestion.
Maduro: Venezuela ta sigui cu of sin licensia Mericano pa alivia sancion petrolero
CARACAS – Presidente Venezolano Nicolas Maduro a sigura dialuna cu Venezuela ta sigui su marcha economico cu of sin licensia Mericano cu ta aproba un alivio di sanccion riba e petroleo Venezolano. Dialuna gobierno Mericano a dicidi cu no ta extende e validez di e alivio cu ta vence diahuebs awor. “Nos ta sigui, cu of sin licencia, nos no t aun colonia Mericano. Nada lo para nos, señores Mericano” e presidente a bisa. Segun Maduro, presidente Mericano Biden ta sigui chantagea cu menasa cu e ta bay kita e licensia cu e la permiti na Caracas pa comercialisa sin problema, e crudo den e ultimo 6 luna.
Flambeu olumpico ta cendi!:E marcha largo pa Paris a cuminsa!
OLIMPIA – E flambeu olimpico pa e proximo weganan na Paris den zomer, a wordo cendi. Esaki a sosode diamars mainta di forma tradicional den e ciudad bieu Olympia na Grecia, unda cu 776 prome cu Cristo, e prome weganan olimpico a tuma lugar. Durante e ultimo edicion, no tabatin publico debi na e menasa di Covid. E biaha aki esey tabata diferente.
Follow NoticiaCla
