Diabierna por determina si mester ‘ahusta’ protocol vigente pa scolnan relaciona cu Covd19

ORANJESTAD – Crisis Team ta evaluando si mester cambia cierto protocol cu ta vigente awor pa scolnan, prome cu esaki por habri. Asina minister presidente Evelyn Wever Croes a contesta noticiacla den un conferencia di prensa e siman aki. E pregunta ta a base di critica di veld di enseñansa cu ta cuestiona cu ta papia di ‘bin cu protocol in place’ siendo cu for di inicio di e pandemia, tin e mesun protocol cu a wordo usa. Pues ta puntra ta cua protocol extra mester ‘pone in place awor’. 

CAMBIO TOCH

A compronde di e prome mandatario cu a pidi scolnan pa mas bien revisa protocolnan vigente y wak si mester mas bien adapta e protocolnan. A pidi e scolnan pa haci esaki awe y mayan y mayan diabierna, lo participa na Crisis Team kico e situacion ta. A base di esey, lo determina si mester ahusta e protocol di scolnan prome cu scol habri dialuna awor, dia 10 di januari 2022. Ora cu papia di ahustacion di protocol, por pensa den direccion di ‘mas verscherping di e medidanan di higiena cu tin in place caba’.