Koolman-Wever: Bronnenonderzoek na pia di trabou no tin balor agrega mas

ORANJESTAD – Berdad cu a stop contact tracing na pia di trabou. Pero no ta pasobra lo manca e operacion di e negoshi si haci tal. Segun miembro di Crisis Team Sharline Koolman Wever, e la splica noticiacla.com cu a minimalisa e contact tracing pasobra e no ta sacando data nobo mas. E pensamento inicial tabata cu no kier haci e bronnenonderzoek mas na trabou pasobra esey tin risico cu tur hende na e trabou (cu a bin den contacto cu e persona ‘positivo pa Covid’) mester bay den cuarentena. Esey tabata un pensamento cu por tabata e motibo inicialmente. Segun Koolman, ta haci e contact tracing pa haya informacion di unda e contagio ta biniendo. Pero e situacion manera e ta aworaki, no tin sentido pasobra bo sa di unda e ta bin. E ora no ta inverti tanto tempo y placa den personal pa sa di unda e ta biniendo.