Alarma na General Aviation a activa foam den hangar

ORANJESTAD - Diabierna pa mas o menos 6'or y mey di atardi brandweer, un patruya di polis y tambe grens politie a wordo manda cu urgencia na General Aviation. Na yegada nan ta topa foam blanco, mescos cu sneeuw, riba caminda, den e cura di airport y unda e avionnan ta staciona. Aparentemente pa un of otro motibo e alarma di candela den e respectivo hangar a bay on y esaki automaticamente a activa foam. E foam tabata sali for di e hangar, bay pafor te riba caminda. Brandweer a cuminsa laba e foam y pa mas o menos 7 or y 45 nan a keda cla di laba e foam por completo. Airport a dicidi di ground e avionnan pa asina evita cualke disaster. E foam ta manera habon y ta slip, segun e expertonan e foam aki no ta haci daño.