- British Airways lo cuminsa bula pa Aruba maart 2023
- AHATA: Ocupacion y RevPAR ta recuperando pero averahe 2022 ta menos cu 2019
- LaSorte: BTW cu tarifa halto ta desastroso pa inflacion di Aruba
- Claudius Phillips ta gana caso contra Daury Rodriguez, cu tin cu rectifica awor!
- Maduro: Gobierno lo no cobra impuesto riba tips
Huez ta bati riba dede di ex minister den asunto di tereno den sentencia
ORANJESTAD – E caso ta uno cu a tuma lugar mitar di aña pasa, pero ta awor a bin na luz di dia di puro coincidencia. Un periodista na Corsou a dal riba e veredicto aki, y a trece den publicidad. Ta trata di un otro caso cu ta trata ex minister Benny Sevinger, awe sospechoso principal den un caso penal di tereno. Actualmente e ta parlamentario pa partido AVP. Mientras cu e sentencia den e caso aki tabata casi final di aña pasa, e hecho cu e persona actualmente ta un sospechoso den un caso penal pa actonan similar, ta dune relevancia pa trece dilanti awor.
PUBLICIDAD
Lo interesante ta cu ora cu e caso a bin dilanti, e no a haya publicidad, cu ta algo cu abogadonan envolvi den e caso a confirma e siman aki pa e portal aki. E caso mes pues, a tuma lugar mitar di aña y ta casi final di aña 2021, den e sentencia, un huez a hala atencion di ex minister y actual parlamentario Benny Sevinger durante e caso civil. E caso a haya atencion diripiente e siman aki, ora cu publicacionan di e veredicto a keda publica. Tabata te fin di November cu e caso a keda publica. Ta trata di otorgamento di un tereno pa un compania, door di e ex mandatario net prome cu e baha como minister na 2017.
E CASO
E compania Ocean Eco Cleaning and Supplies VBA aña pasa a hiba gobierno di Aruba corte pa logra pa gobierno cumpli cu e promesa cu e ex mandatario en cuestion a haci cu otorgamento di tereno na San Nicolas. E otorgamento di terenonan a haya aprobacion inicial di e ex mandatario dia 22 di September 2017, mientras cu e mandatario tabata demisionario. Ora cu gobierno nobo a sinta, nan a cancela e deal aki. Como tal e compania menciona a dicidi di bringa esaki, pero a tuma un tempo pa haci esaki.
PETICION
E compania tabata kier pa huez ordena gobierno pa otorga e terenonan manera cu a priminti, sino mester a paga multanan cuantioso. Huez a mustra cu ta trata di un decision dudoso y incomprendibel di un minister demisionario, net prome cu cambio di gobierno. Segun e huez, e accion di e ex minister, ta crea un violacon di principio fundamental principios fundamentales di ordenamiento huridico di Aruba y como tal ta cancela e acto aki basa riba articulo 3.40BW. E huez no tabatin bon palabra pa e ex mandatario, y ta mustra cu sin e sancion contra e minister, e gabinete ‘nobo’ lo a wordo stroba den ehecuta su tarea publico pa cu e percelanan en cuestion. “E actuacion di e minister demisionario ta mas cu dudoso y incomprendibel”. E huez ta mustra aki riba e rapidez sin precendente cu e minister a tuma e decision di otorga e terenonan aki, mientras cu otronan tin cu warda lunanan of añanan pa un decision. Tambe ta mustra cu e ex minister no a haci ningun investigacion y no a haya ningun tipo di conseho prome cu e a actua. “Awor cu e actuacion di e minister demisionario ta contra orden publico y como tal nulo, ta haci cu e acuerdo entre e partidonan tambe ta nulo”. Basa riba esey, huez a dicta fayo den e caso y no a otorga e peticion na e compania en cuestion. E sentencia por wordo lesa AKI.
Claudius Phillips ta gana caso contra Daury Rodriguez, cu tin cu rectifica awor!
ORANJESTAD – E ciudadano Daury Rodriguez tin 24 ora pa rectifica su declaracion difamatorio contra e musico Claudius Phillips, of ta haye ta paga un multa di 500 florin pa dia of parti di e dia te na un maximo di 25 mil florin. Esey tabata e sentencia cu Corte a dicta diaranson den e caso cu e musico a entama pa drecha su nomber relaciona cu un Facebook post contra dje. Den e post, Rodriguez ta tilda Phillips di ta un pedofiel, den cuadro di e hecho cu Phillips lo a wordo homenagea luna pasa como un musico di San Nicolas. Ta riba e post ey, Rodriguez a reacciona pa cual Phillips a dicidi di hibe corte finalmente. Finalmente pasobra e la duna Rodriguez chens pa rectifica caba, pero e ultimo aki a reta Phillips pa hib’e corte.
OM: Polis lo intensiva proceso ora di posesion di arma di candela illegal
ORANJESTAD - Ministerio Publico y Cuerpo Policial di Aruba ta informa cu polis lo intensiva e manera di procede ora di posesion di arma di candela ilegal den e tempo venidero y na varios sitio na nos isla. Esaki relaciona cu e aumento di e cantidad di incidente di arma di candela na Aruba.
Corte: Mester conecta coriente bek pa Reflections Beach Bar and Restaurant
ORANJESTAD – E compania Navarra Properties NV tin 48 ora pa reestablece e coneccion di coriente pa e negoshi Dontom Horeca NV miho conoci como Reflections Beach Bar and Restaurant na Surfside. Asina Corte a dicta diaranson den un setencia adelanta. Mientras cu e disputa entre e compania cu ta opera e negoshi y e compania cu ta doño di e tereno ta andando, Corte a dicta cu e e compania cu a corta e coriente algun siman atras di e restaurant, mester pone esaki bek y cu gobierno (pais Aruba cu ta doño di e tereno) mester permiti Elmar pa conecta esaki. A impone un multa tambe pa tanto gobierno como e compania cu a laga kita e coriente, si nan no cumpli cu esaki.
Hof ta impone pa kita sumanan grandi for di criminalnan di droga
PG: Tin instruccion nobo pa procedimiento penal ora di delitonan sexual
Huez ta declara dos persona liber di falsifica documento pa transporte di bara di oro
ORANJESTAD – Casi 5 aña despues cu e caso a tuma lugar, dos persona sospecha di falsificacion di documento y labamento di placa den caso di transporte di baranan di oro pa Dubai via Aruba cu a haya e nomber Alpina, a keda declara liber pa huez. Ta trata di e personanan J.C. Toro Rodriguez y R.A. Gonzalez Zambrano, cu a lucha largo pa por a presenta nan Inocencia. Segun e trahado di e compania Rodriguez, semper a trata e proceso di transportacion asina di mesun forma, y diripente e transporte di 52 barra di oro, balora na 2 miyon dollar, tabata mustra sospecho pa cual a detene e personanan aki. Huez a mustra cu no por a prueba cu e dos personanan aki a actua di forma illegal, pa cual a kita e cargonan y declara nan liber. Awor ta keda e proceso pa nan haya aceso bek na e baranan, ya cu esaki ta un otro asunto. Declara e dos personanan liber ta un cos, pero awor mester prueba cu e baranan di oro enberdad ta pertenece na nan, pa cual mester cuminsa un otro proceso dificil pa logra convence huez. Como tal huez awor no por a debolbe nan e baranan, aunke cu nan ta liber. Click AKI pa e sentencia di Zambrano y AKI pa e sentencia di Rodriguez.
Follow NoticiaCla
