Grupo di Tarea Hulandes Anti Droga ta intercepta casi 4700 kilo di cocaina

Posted on 01/5/2022 3:38 pm AST | Updated on 01/5/2022 3:53 pm AST

ORANJESTAD - E barcu di Marina Hulandes Zr.Ms. Holland durante e último tres simannan, den estrecho kolaborashon ku Wardakosta Merikano i Wardakosta di Region Karibe, a ehekutá diferente operashonnan kontra droga. Den esaki Zr.Ms. Holland pa di promé biaha a tuma riba dje e kordinashon i atministrashon di e unidatnan partisipante, komo Komandante di e ‘Surface Action Group’. Den esaki el a keda sostené pa avionnan marítimo di patruya tantu di Wardakosta Merikano komo Wardakosta Region Karibe. E kolaborashon aki ya a kondusí hopi rápido na resultado.

E último tres simannan ku ta tras di lomba e barku di Marina Hulandes Zr.Ms. Holland, den estrecho kolaborashon ku dos Cutter (Fast Response) di Wardakosta Merikano i e Cutter Panter di Wardakosta Region Karibe, a ehekutá operashonnan anti droga aktuando komo un Grupo di Akshon (Surface Action Group). Den esaki Zr.Ms. Holland, pa di promé biaha, a tuma riba dje e kordinashon i atministrashon di e unidatnan partisipante, komo Komandante di e ‘Surface Action Group’ i komo tal a keda sostené pa avionnan marítimo di patruyahe tantu di Wardakosta Merikano komo Wardakosta Region Karibe. E kolaborashon aki ya a kondusí hopi rápido na resultado.

Asina tabata tempran mainta riba djaweps dia 25 di novèmber último, ku un asina yamá ‘go-fast’ a keda interseptá. E boto rápido a keda detektá pa sensornan a bordo di Zr.Ms. Holland den serkania di un ruta konosí di kontrabanda. E barku patruyero despues di esaki a kuminsá ku un persiguishon i a lansa su botonan di intersepshon, asina yamá FRISC (Fast Raiding, Interception and Special forces Craft). Asina ku e pasaheronan di e go-fast a ripará ku nan tabata wòrdu pèrsiguí, nan a kuminsá tira e paketenan di kontrabanda den laman. Finalmente a obligá e go-fast pa stòp dor di disparonan di atvertensha.

Una bes na kantu a bordo ainda a deskubrí mas o ménos 200 kg di kontrabanda i e kuater pasaheronan prosedente di Repúblika Dominikana i Colombia a keda arestá pa Wardakosta Merikano. Finalmente a saka mas o ménos 1000 kilo di kontrabanda for di laman, pa medio di kua huntu ku e aresto aki 1200 kilo di kokaina a ser kitá for di riba merkado.

Algun dia despues un biaha mas tabata ‘bingo’. Durante un patruya di un Dash-8 riba 28 di novèmber , e avion marítimo di patruyahe di Wardakosta Region Karibe, a nota un embarkashon sospechoso. A indiká e posishon na Zr.Ms. Holland, despues di kua su FRISC i e helikòpter di abordo, NH-90, a ser desplegá i a dirigí un di e cutter nan Merikano direkshon di e kontakto. Pa e ratu ku e barku Merikano a yega, e helikòpter di bordo NH90 i e FRISC a obligá e go-fast pa stòp pa medio di tirunan di atvertensha. E Merikanonan ta detené tres pasahero i ta konfiská 1855 kilo di kokaina.

Riba dia 3 di desèmber un avion patruyero Merikano a detektá un go-fast ku tabata nabegá hopi rápido. Riba esaki un di e cutter nan Merikano ta risibí órden pa interseptá esaki. Durante intersepshon kuater sospecho ta keda arestá i 100 kilo di kokaina ta keda konfiská.

Algun dia despues un biaha mas un avion patruyero ta nota un go-fast. E boto sospechoso tabata riba un distansha basta leu di Zr.Ms. Holland, pa kua motibu un persiguishon largu a kuminsá, pa interseptá e go-fast. Despues ku a aserká e go-fast basta djaserka, pero for di bista, e helikòpter i ámbos FRISC a keda lansá pa konsekuentemente sorprendé e pasaheronan di e go-fast kompletamente. E ekipo di Wardakosta abordo di e FRISC a haña, ademas di tres pasahero, kasi 570 kilo di kokaina. E tres pasaheronan i e kontrabanda a keda entregá na Wardakosta Merikano.

Djaluna 13 di desèmber nèt fuera di bista di Zr.Ms. Holland un avion patruyero a deskubrí un go-fast. Dentro di tempu kòrtiku e helikòpternan di bordo i ámbos FRISC a keda lansá pa interseptá e go-fast. E biaha aki si e boto a ninga di stòp i despues ku a lòs tirunan di atvertensha e motornan di e boto a keda desaktivá desde e helikòpter. Tres pasahero a keda detené i a konfiská 110 kilo di kontrabanda, ku a ser entregá na Wardakosta Merikano.

Komo konsekuensia di e kolaborashon eksitoso entre unidatnan di Defensa nabegando i bulando, Wardakosta Merikano i Wardakosta Region Karibe, kasi 5000 kilo di kokaina a ser konfiská i dieshete sospechoso entregá na Wardakosta Merikano pa ser pèrsiguí. Ku esaki e forma hopi estrecho di kolaborashon aki tabata altamente eksitoso i un biaha mas ta suprayá e bon laso ku ta eksistí enter Wardakosta Merikano, i e sosionan Hulandes den Region Karibe. NOTA: Texto ta scirbi den Papiamento fonetico di Corsou.

Wardacosta ta controla boto local y ta haya droga abordo
ORANJESTAD - Ayera durante oranan di merdia Wardacosta a bai cu un boto local na e punto di sosten di Wardacosta pa un control abordo. Durante di e control riba e boto dor di e agentenan di Wardacosta y e K-9 unit di Cuerpo Policial di Aruba, a bin encontra diferente pakete cu droga aden. En total a haya 237 kilo di droga di cual 57 kilo marihuana y 180 kilo cocaina. E droga y e dos hombernan, di cual unu local y unu Venezolano a keda entrega na Cuerpo Policial di Aruba.
Mas Polis
Lesa Mas
Marco Tromp (80) a bira e di 3 morto di trafico di 2024
ORANJESTAD – Diasabra atardi, Aruba a conoce su di 3 morto di trafico pa 2024. Segun informe oficial di polis, awe despues di 4’or atardi Central di Polis a dirigi patruya di Noord, ambulance y cu maximo urgencia pa un accidente pisa na altura di e supermercado NG y e restaurant Yen Yen situa na Kamay. Na yegada di e prome unidad a mira dos auto involucra den e accident. Un auto marca Nissan, modelo almera color shinishi numera A-24490 y un Honda, modelo CRV, color cora numera A-52927.
Mas Polis
Lesa Mas
Warda Costa a evacua pasahero malo di barco crucero y trece Aruba
ORANJESTAD - Den ora nan di atardi, Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di dirección nort di Aruba. Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un atake (stroke). Inmediatamente a manda e helicopter pa evacua e persona. Miembro nan di ambulance a ricibi e pasahero na Queen Beatrix International Airport i a hiba e turista hospital, pa ricibi tratamento medico.
Mas Polis
Lesa Mas
Wardacosta lo controla botonan riba lama durante Semana
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.
Mas Polis
Lesa Mas
Afpakteam a haci control na aeropuerto priva tambe
ORANJESTAD - Siman pasa tabatin varios control na aeropuerto priva. E controlnan integral aki tabata den man di Afpakteam, Interpol y UMM (Unit Mensensmokkel en Mensenhandel) y a tuma lugar den cooperacion estrecho cu AAA (Aruba Airport Authority).
Mas Polis
Lesa Mas
Warda Costa a intercepa boto cu 9 indocumentado Venezolano yegando Aruba
ORANJESTAD - Diabierna anochi, radarnan a detecta movecion di un boto sospechoso den direccion di Aruba. A pidi e avion DASH di Wardacosta pa asisti pa verifica e contacto. Den ora nan di marduga di diasabra, 2 Metal Shark a sali pa asina topa cu un boto tipo 'Yola' cu un total di 9 persona indocumenta cu nacionalidad Venezolano abordo. Prome cu unidad nan a yega, persona nan riba e boto a logra di benta bultonan den awa, pero unidad nan di Wardacosta cu asistencia di e helicopter a recupera nan. Ta trata di mas o menos 850 kilo di cocaina i marihuana, cu a wordo confisca.
Mas Polis
Lesa Mas