Lasorte(AHATA): Alerta di CDC tin efecto negativo pa motibo di cancelacion di grupo

ORANJESTAD - Manera AHATA a adverti algun siman pasa, un ola nobo di COVID cu cantidad grandi di caso nobo tur dia a resulta den e nivel mas halto di alerta di CDC. Asina e CEO di AHATA Tisa LaSorte ta bisa noticiacla.com riba e alerta di CDC e siman aki pa Mericanonan no biaha pa Aruba por lo pronto. “Esaki tin su efecto negativo pa nos economia pa motibo di cancelacionnan den sector turistico, especialmente di gruponan” LaSorte ta bisa.  E sector di acomodacion ta experienciando e efecto den reservacion pa Januari y Februari. Anteriormente a experiencia cancelacion na luna di December tambe pa motibo di Aruba su rekesito adapta pa bishitante di Merca test dentro di 2 dia prome cu biaha pa Aruba. Mester agrega cu AHATA tin comprencion pa e necesidad di e rekesito nobo pa bishitante di Merca. AHATA ta analisando e cifras di ocupacion hotelero y lo publica resultado di December y proyeccion nobo pa Januari y Februari pronto.