Wever: Aunke cifranan di Covid ta halto, Toque de Queda no ta necesario ainda

ORANJESTAD – Contrario na pensamento popular, no ta necesario ainda pa implementa un Toque de Queda, pasobra e situacion na hospital ta controlable. Asina prome minister Evelyn Wever a bisa durante un conferencia di prensa riba e tema di Covid19. E situacion di tin riba 3 mil caso ta alarmante y preocupante, pero no ta motibo ainda pa panico. A haci mencion di e hecho cu hospital su casonan di hospitalisacion ta aumentando, pero asina mes e situacion ainda ta bou di control. A pidi tur hende pa tene cuenta cu e reglanan di higiena y asina lo por evita e situacion di bira mas grandi aun.