Gobierno a decreta 2022 como e aña di inversion y oportunidad

ORANJESTAD - Diamars 4 di januari 2022, Prome Minister Evelyn Wever-Croes den nomber di Gobierno di Aruba, a anuncia decision di Conseho di Minister pa decreta e aña aki, aña 2022, como aña di Inversion y Oportunidad. E intencion ta pa crea inversion den sentido amplio. Inversion den bo mes; Inversion den nos economia y Inversion den nos pais creando Oportunidad pa tur ciudadano di nos pais.  Aña pasa tabata aña di recuperacion, aunke hopi no por a recupera, debi na e impacto continuo di Covid19. 

“Cu cada Inversion nos ta bay crea oportunidadnan nobo y cu e oportunidadnan nobo cu surgi, ta crea mas inversion cu ta crea mas oportunidad y diversidad den inversion. Pues cu un interpretacion amplio di Inversion y Oportunidad, den nos economia, finansas, medio ambiente, agricultura, den e ser humano, den salud, salud mental, den enseñansa” e mandatario a bisa. E intencion ta pa recupera loke a bay ‘perdi’ den e ultimo dos añanan di pandemia. 

NOMBRA CADA AÑA

Ta custumber cu gobierno ta pone un tema pa cada aña. A haci esaki desde 2018. Esaki ta e añanan  

- 2018 Aña di Papiamento

- 2019 Aña di Famia y Cuido di nos Muchanan

- 2020 Aña di Innovacion y Enseñansa

- 2021 Aña di Recuperacion

 .