Van Huffelen ta admiti di ta nobato riba e.o. tereno di Asuntonan di Reino

DEN HAAG – Secretario di estado Hulandes nobo pa Asuntonan di Reino Hulandes Alexandra van Huffelen a admiti diamars mainta cu e ta un ‘nobato’ riba e cartera cu e tin y cu e tin hopi ‘tarea pa bay haci ainda’. “E ta un puesto hopi bunita” sra Van Huffelen a cuminsa na bisa despues di su reunion cu formador Rutte. “ Pa mi esaki esaki ta si un tereno nobo di maneho. Mi mester bay studia hopi den varios tema. Mi tin hopi tarea di bay haci ainda” e reemplazante di Raymond Knops a sigui bisa. E tabata secretario di estado pa e asuntonan di e asina yama ‘toeslag’ di impuesto cu tabata e motibo di caida di e gabinete.