Formador Rutte a inicia cu combersacion cu miembronan di su gabinete nobo

DEN HAAG – Formador Mark Rutte a inicia su ronda di combersacion cu e miembronan nobo di su gabinete Rutte IV dialuna mainta. Durante e proximo 4 dianan e lo topa cu tur e miembronan nobo prome cu nan keda huramenta dia 10 di januari proximo. E no a bisa mucho na comienso di e combersacionnan, pero si cu e ta contento cu nan ta asina leu, despues di   un aña cu gabinete a cay y casi un aña pasa tabatin eleccion (Maart 2021). E prome miembro cu a presenta tabata Wopke Hoekstra (CDA) cu fuera di bira minister di relacionan exterior, ta bira vice premier tambe. A sigui Dilan Yesilgöz cu pa VVD ta bira minister nobo di husticia y seguridad. Franc Weerwind (D66) tambe a presenta awe dialuna caba.