Ex PG di Aruba a haya funcion importante na Eurojust na Hulanda

DEN HAAG – Ex PG di Aruba ta bira representante di Hulanda na Eurojust. E ta bira e coneccion entre e agencia na Den Haag y e autoridadnan Hulandes. “Combatimento di e crimen organiza por ta solamente exitoso si paisnan traha hunto. Eurojust ta ta facilita e cooperacion importante aki” van Dam a bisa na su nombracion. Eurojust ta combati criminalidad pisa, cu ta sobrepasa frontera di crimen organisa na Europa. E ta organisa accionan di departamentonan hudicial den e estadonan miembro y por impone ekiponan di investigacion internacional pa combati casonan cu ta cruza frontera. Nan ta traha hopi cerca cu Europol. Prome cu esaki van Dam a traha como Procurador General na Aruba y a lidera varios caso importante manera e detencion di un ex minister di Aruba.