Aruba ta registra 742 caso positivo nobo di Covid y 716 a recupera

ORANJESTAD – Manera por a spera, Aruba a kibra otro record riba bispo di anja cu 742 caso positivo nobo di Covid19. Pero mes momento tin cu raporta cu 716 persona a recupera, cu ta evita cu nos ta cera cu un total di caso activo di riba 3000. Di e 742 casonan nobo, 107 ta no residente. E cifranan aki ta representa un 'Positivity rate' bou di nos residentenan di 58%. E cantidad di casonan activo di COVID-19 pa awe ta 2795 y cantidad di fayecidonan relaciona cu COVID-19 ta 181. Datos ta ilustra casonan nobo di COVID cu un averahe semanal di 448 caso pa dia y un averahe di 'positivity rate' semanal di 51% pa dia. 

Actualmente na Aruba tin 7 persona interna debi na COVID di cual den ICU tin 2 persona y riba piso general tin 5. Na Colombia tin actualmente 3 persona den ICU y ninguno (0) riba piso general.