No ta permiti pa habri aña nobo riba beach publico di Aruba

ORANJESTAD – Mescos cu cambio di aña 2021, pa e cambio di aña 2021/22 no ta permiti di ta riba beach publico. Esaki debi na e samenscholingsverbod y gebiedsverbod cu tin vigente como parti di e ‘Noodwet’ pa e pandemia. Asina miembro di Crisis Team Rino Hermans a clarifica y confirma pa noticiacla diabierna. Solamente hotelnan cu tin beach nan dilanti, a haya e ‘ontheffing’ necesario, pero mester a pidi esaki aunke cu nan ta paga precario pa uso di e beach. Tur otro beach na Aruba, no ta permiti pa bo ta ariba manera custumber, cu bo jug, pa habri aña di un manera cu tabata posibel. Esaki ta inclui e.o. Eagle Beach aunke cu su dilanti otro banda di caminda tin hotelnan lowrise. Tampoco ta permiti pa ta riba parkinglotnan publico. E prohibicion di ta riba beach ta entrante 7pm pa 5am. Potret cortesia www.thesweetestescapes.com