Raymond Knops no ta bolbe den e proximo gabinete Rutte

DEN HAAG – Entrante januari 2022, Aruba tin cu bay atende cu un otro persona di Gabinete Rutte pa cu asuntonan di Reino. Esaki pasobra ta definitivo cu e actual secretario di estado demisionario Hulandes pa asuntonan di Reino Raymond Knops (50) no ta bolbe den e siguiente gabinete Rutte IV. No ta conoci pakico esaki ta pasobra e ta un di e poconan cu a anuncia publicamente cu e tin gana di bolbe. Como ex militar, hopi tabatine poni pa minister di Defensa. Pero esaki no ta bira e caso ya cu tin un otro persona caba riba e puesto. Loke ta conoci, ta cu un persona di partido D66 lo bira e secretario di estado cu e funcion. Diadomingo awor e nombernan final di tur esnan cu ta forma parti di e gabinete nobo, lo keda publica. Dia 10 di januari 2022, e gabinete nobo lo huramenta dilanti Rey Willem Alexander.