Canada ta bolbe para tur buelo pa Aruba debi na e pandemia

ORANJESTAD – E aeroliña Air Canada atrobe ta suspende tur buelo pa Caribe, incluyendo Aruba debi na e pandemia. Atrobe, pasobra un aña pasa caba esaki a sosode debi na e pandemia y tabata den e mesun periodo esta januari pa april (e biaha aki di 2022). Mirando cu e cifranan a bolbe subi di e casonan, esaki tabata necesario. Den un carta cu ta den poder di e portal aki, e gerente di desaroyo di Air Canada Vacations, Nancy Jeromino ta informa autoridad di Aruba specificamente di e decision aki. Segun e carta, esaki ta nifica cu entrante 31 di januari 2022, e aeroliña ta stop di bula pa e.o. Aruba te proximo aviso. Riba e portal di e aeroliña sinembargo ta menciona cu e suspension ta te fin di April di 2022.  E motibo ta cu gobierno di Canada a prohibi tur biahe no esencial pa Canadesnan debi cu e pandemia su cifranan ta aumentando drasticamente. A menciona cu e ultimo buelo pa Canada for di Aruba lo ta dia 30 di januari 2022 y despues no ta bula mas. Por lesa e carta AKI.