Crisis Team por re escala of de escala medidanan cu ta vigente awor!

ORANJESTAD – Crisis Team y gobierno di Aruba no ta descarta cu por re escala of de escala e medidanan cu a drenta na vigor awe y ta valido pa 2 siman. Asina Gabinete Wever Croes a publica awe riba nan pagina di facebook. “ Pa locual ta e medidanan Crisis team a tene cuenta cu tur aspecto y ta sali for di e punto di bista cu esaki ta locual ta necesario awor. E medidanan ta vigente pa dos siman, pero lo re-evalua e medidanan den caso cu mester re escala of de escala”, e post ta bisa.