Omicron ta domina 70% di casonan positivo di Covid na Aruba

ORANJESTAD – E variante nobo di Covid19, Omicron, ta domina 60 pa 70% di casonan positivo di Covid na Aruba. Asina e medico dr Casseres a bisa durante un conferencia di prensa diaranson mainta riba e tema. Mes momento, riba un pregunta di noticiacla, e la splca cu ta dificil pa determina si un persona cu a test positivo pa Covid19, sa si esaki ta e variante Delta of Omicron. E pregunta tabata, con un persona ta haya sa si e la test positivo pa cua variante, pa sa con serio su situacion ta mirando cu cada variante ta diferente. 

E SPLICACION

Segun e medico, hospital su laboratorio ta tuma muestra sporadico, y no ta test tur hende pa sa specificamente cua variante nan tin. Esey ta un test mas largo cu ta tuma lugar, pa determina esey. Ta tuma un cantidad di resultado di prueba positivo, y asina ta mira con Omicron a subi den e ultimo simanan di 5% pa 60 pa 70%. “E ta eigenlijk imposibel pa haci un analisis pa tur e positivonan pa sa cua variante bo tin” Casseres a bisa. Di otro banda, e ta bisa cu no ta haci un diferencia cua variante bo tin. “Un hende por reageer riba Omicron, y e otro por reacciona menos fuerte pa Omicron” e docter a bisa. Pues ta dificil pa sa esaki. Sabiendo cua variante bo tin, no ta pone cu bo ta prepara pa sa si bo tey bira mas malo” e medico a finalisa bisando.