CAFt: Gobierno di Aruba mester tin surplus presupuestario na 2023!

ORANJESTAD – Gobierno di Aruba a haya tarea di CAft pa na 2023 tin un surplus presupuestario di 1%, pa asina purba para e debe di gobierno di aumenta. Asina e colegio di supervision financiero ta bisa den su reaccion riba e presupuesto 2022 di pais Aruba.  Riba e periodo 2023-2026 esaki ta cumulativamente 554 miyon florin. E esfuersonan den e margen di e agenda di implementacion di e pakete nacional, por contribui na mehora e finanzas publico y reduci e debe publico” e colegio ta sigui bisa.   

MEDIDA

Manera semper e colegio ta sugeri un cantidad di medida cu gobierno tin cu tuma, pa logra nan meta. Cambion den e presupuesto prome cu presenta esaki na Parlamento na januari proximo.  Entre nan tin cu

-       Mester reduci e gastonan di producto y servicio a base di e realisacion di 2020. 

-       Mantene e recorte salarial di trahadonan den companianan semi gubernamental y instancianan subsidia te ora cu RMR dicidi otro. 

-       Finalisa e contro riba e ayudo di subsidio di mas paga riba presupuesto 2021 mas tarda 1 di April 20222, y procesa esaki corectamente den un BW.

-       Mustra con den forma multiannual ta duna contenido na e reforma fiscal di e landspakket, entre nan e introduccion di BTW y substancia den un forma solido e consecuencianan presupuestario di esaki. 

-       Revoca e reduccion di tarifa di loonbelasting of compensa esaki cu medida cu ta reduci gasto y of crea medida cu ta aumenta entrada. 

-       Substancia e inversion di 16 miyon di e RWZI. 

Lesa e reaccion completo AKI.