ANP: Den un siman casonan di Aruba a bay di 232 pa 1105 positivo di Covid19

ORANJESTAD – Den e parti Caribense di Reino Hulandes, e cantidad di contagio di Covid19 a cuadriplica (multiplica cu 4) dentro di apenas un siman. E agencia di noticia ANP a haci un resumen di e total di caso di tur e islanan. Si 20 di December ultimo tabatin ainda 672 caso registra di infeccion riba  Curaçao, Aruba, Sint-Maarten, Bonaire, Sint-Eustatius y Saba, esaki a aumenta 27 december te na 2879 caso positivo di contagio.   

Principalmente Aruba y Corsou a conoce un crecemento enorme di e casonan di corona. Na Corsou, e casonan a aumenta den un siman di 232 caso pa 1511. Na Aruba esaki a aumenta di 232 caso pa 1105. E ‘bon’ ta cu mientras cu e casonan di contagio a aumenta drasticamente, tin relativamente poco hende den hospital. Hunto, riba tur isla tin total di 22 persona hospitalisa pa e virus. Na Colombia tin 6 persona di Aruba hospitalisa. Pues ainda e situacion ta ‘bou di control’, usando e hospitalisacion como base di medida.