CAFt: Recorte di 12.6% mester sigui den 2022 y poni den prespuesto

ORANJESTAD – “Mirando e discussion actual entre Hulanda y Aruba riba e sosten di likides, CAFt ta sali di e punto di bista cu e recorte salarial lo keda manteni y como tal CAft ta pidi gobierno di Aruba pa ‘ahusta’ e presupuesto (di pais Aruba di 2022) pa cu esaki”. Asina e colegio di supervision di Aruba CAFt ta bisa den su reaccion riba e presupuesto 2022. Traduci, esey kier men cu CAft ta recomenda pa e recorte salarial di 12.6% keda vigente pa henter aña 2022, kitando tur duda cu si esaki mester wordo kita of no. Pa CAFt, e conseho ta pa mantene esaki, y Hulanda masha poco ta desvia di esaki. 

DESCUENTO

CAft ta bisa relaciona cu e gastonan di personal, cu gobierno ta reduci e 12.6% cu 50% den e presupuesto 2022. Cu esaki, segun CAFt su calculacion, e gastonan ta sali 18 miyon florin mas compara cu 2021. CAft ta recorda gobierno di Aruba cu e recorte tabata parti di e condicion pa e sosten di likides, y ainda no tin decision tuma riba esaki esta si ta rebaha e recorte aki. Lesa e reaccion completo AKI.