Oposicion venezolano ta sostene premier Mike Eman

VENEZUELA – E organisacion di partidonan opositorio na gobierno di Venezuela ta sostene premier Mike Eman cu su lucha contra Hulanda. Particularmente e lucha contra metemento den autonomia di Aruba door di Hulanda. No a bisa si cua partidonan exacto esaki ta ensera. Den fin di siman e grupo aki a manda un comunicado, confirmando esaki, segun gobierno di Aruba a informa diadomingo. Segun gobierno di Aruba, democratanan di Venezuela ta pidi pa Hulanda y Aruba reanuda e dialogo y cu e status di Aruba como pais autonomo den Reino Hulandes mester wordo respeta. Eman a mustra cu e ta aprecia e expresion aki. E organisacion di oposicion uni ta consisti di principalmente Cristiannan –Democrata. Nan tin masha aprecio pa e rumbo humano di social-cristiannan cu Eman ta tuma, y hopi, segun Eman, ta mira esaki tambe como un miho alternativo pa Venezuela cu e socialismo centralista y e liberalnan di linea duro.