RIVM: Indicacion fuerte cu Omicron ta contagiando via transmission local na Aruba

ZEIST – E hecho cu a detecta e variante Omicron cerca ciudadanonan na Aruba cu no tin historia di biahe, ta indicacion fuerte cu tin transmission local riba e isla. Esaki contrario na pensamento cu e ta un variante cu ta yegando Aruba solamente di forma importa. Asina e instancia oficial di Hulanda Rijks Instituut Volksgezondheid & Millieu (RIVM) ta informa den su rapport di siman cu a keda publica awe diabierna. E situacion ta pone cu lo tin un control mas fuerte riba tur e islanan, y no solamente Aruba, aunke oficialmente na Aruba so a detecta e variante ‘ainda’. 

AUMENTO DRASTICO

E cantidad di casonan na e islanan a aumenta di un forma drastico. Y ta papia di e deteccion di e variante Omicron, cu a wordo haya den mas ‘monster’, osea prueba. 

 CORSOU TA MAS HOPI

Si Aruba tabata na cabez di e cantidad di contagio, Corsou a surpasa Aruba e siman cu 425 caso positivo e siman aki. Lesa e rapport AKI.