Patrick Kluivert presenta como entrenador seleccion futbol di Corsou

WILLEMSTAD – E ex futbolista profesional hulandes Patrick Kluivert ayera a keda presenta oficialmente como e entrenador y consehero di e seleccion nacional di futbol di Corsou. Mientras cu no a duna mucho detayes di e contracto, NoticiaCla.com a compronde cu e ta contrata pa guia e seleccion pa por lo menos dos pa 3 wega clasificatorio. Entre nan tin esun di Montserrat y si esey bay bon, Cuba. E lo forma e seleccion usando entrenamentonan na tanto Corsou como Hulanda. E la bisa di ta contento di e oportunidad y cu e por haci algo bon pa e isla. Esnan cu ta paga pa tur esaki, ta Ennia, Insel Air y MCB. Fotonan ta cortesia di Dick Drayer.