Aruba su 'Top Performers' reconoci cu AHATA Excellence Awards

(ADVERTORIAL)

ORANJESTAD – Durante un lunch elegante atendi pa 150 persona, AHATA a celebra e empleadonan altamente motiva di e industria di turismo. Cada compania miembro a selecciona un empleado cu a personifica esfuerso extraordinario y servicio excelente den 2021. Trintiocho (38) honrado, y un (1) special recognition, esta Freya Kraag, a ricibi nan certificado y un premio di CEO y Presidente di AHATA, Tisa LaSorte.

Esnan honra a inclui managers, supervisors, agentenan, esnan cu ta atende directamente cu turista , y e trahadornan tras di cortina, tur bendiciona cu talento, cualficicacion y dedicacion, ilustrando cu por encontra excelencia tur caminda. Cada persona honra a hunga un rol importante den nan mesun esfera, y hunto nan a representa e vision grandi di turismo, y e recuperacion gradual di Aruba su economia.

Locual ta separa e 39 personanan aki, LaSorte ta splica, ta un mentalidad sincero di servicio excepcional.?Esnan motiva pa duna servicio, ta un tesoro precioso, mirando cu nan ta compronde e retonan cu nos ta enfrenta como un nacion, y e importancia di nan contribucion. 

AHATA Excellence Awards ta sirbi como e ceremonia oficial di industria di turismo pa reconoce e esfuersonan extraordinario di e mihor empleadonan, y nan compromiso personal na servicio, resultando den contribucionnan significante na un economia productivo y un industria turistico exitoso. AHATA no por a organisa un evento di e magnitud aki sin apoyo di sponsors: Caribbean Mercantile Bank (CMB), De Palm Corporation, Tropical Bottling Company, Hyatt Regency Aruba y Gianni’s Group.

AHATA ya caba ta planeando e edicion 2022 mientras cu ta proyecta un recuperacion di 85% di turismo compara cu 2019. Nos recuperacion lo rekeri un esfuerso di henter e team di e industria pa pusha e isla padilanti, cu e valornan importante di cortesia, profesionalismo y responsabilidad.