Exposicion Madame Tussauds di Mon Plaisir a hala hopi atencion

ORANJESTAD - Durante un exposicion di arte bibo, e muchanan di Juffrouw Murielle Brown-Roos y Juffrouw Perlishka Lockhart di 6e klas di Mon Plaisir Basis school a crea un Madame Tussauds Museum a base di e series di buki "Who Was? Who is? What was?" Den ballroom di Ritz Carlton hotel. Cada studiante mester a kies un personahe y haci nan research pa asina por presente. Un idea tremendo cu sin duda ta habri e horizonte di nos hobennan, ta stimula y inspira nan pa siña mas di mundo, historia y personahenan valioso. Na un manera hopi creativo, interactivo y cu hopi entusiasmo cada mucha a presenta nan resultado final. E anochi a sirbi tambe pa recauda fondo pa e fundacion cu ta stimula lesamento: Bon Nochi Drumi Dushi.Minister Michelle Hooyboer-Winklaar ta felicita e docentenan, muchanan y nan mayornan y tambe Ritz Carlton cu a mira e importancia di e proyecto escolar magnifico aki.