Polis di Oranjestad ta duna bek y 7 famia lo celebra un Pasco Feliz

Posted on 12/23/2021 10:07 am AST | Updated on 12/23/2021 10:09 am AST

MACUARIMA -  Yegando na un otro fin di aña Polis di districto 1 Oranjestad ta duna bek un biaha mas na su districto. Desde 2015 a lanta un concepto pa trece felicidad y alegria na famia menos afortuna y tabata e momento cu “E Luz di pasco” a nace y bira un realiad. 

Cada aña  diferente famia di menos recurso ta haya un bishita inespera for di e famia di Cuerpo Policial. Awe un biaha mas por sigui mira e sonrisa, alegria y emocion di e famianan cu ta haya un macuto grandi di comestibel, ham, galiña y un kerstboom pa por pasa un pasco feliz. 

E districto di Oranjestad cu ta consisti di polis uniforma y personal administrativo a bishita 7 famia den necesidad. Cu sosten di coleganan di otro departmento y comerciante “E luz di pasco” por sigui briya pa 7 famia feliz.

Bou música y cu diferente patruya, musica pasa den cada bario di Oranjestad. Famia a habri nan porta yena cu emocion y alegria na momento cu e patruyanan a yega dilanti nan port’i cas. Cu awa na wowo a gradici e polisnan pa nan gratitud. Polis di nan banda a baila y canta pa cada un famia deseandonan un Bon Pasco y un feliz cambio di aña 2022.

Maske con fastioso y dificil e situacion porta e meta principal ta pa cada famia cu a wordo escohi por celebra un pasco feliz. Yena cada un famia nan curason cu e luz positivo y cu den bida tur hende merece e oportunidad di por celebra un pasco y aña nobo cu dicha, paz y prosperidad.

  • A intercepta entrada di 9 indocumenta y captura e boto

    A intercepta entrada di 9 indocumenta y captura e boto

    SAN NICOLAS - Tabata pa 1.47 am cu Radarkamer di Cuerpo Policial a detecta un boto drentando na altura di Baby Beach. Den cuadro di bon cooperacion y cu bon coordinacion entre Radar Kamer di KPA, Kustwacht, coleganan di diferente districto, K9 y helikopter di a logra detene 9 persona cu a subi tera. 

  • Yiu homber di prome minister Wever a entrega su mes awe mainta

    Yiu homber di prome minister Wever a entrega su mes awe mainta

    SHABA – E yiu di prome minister Evelyn Wever, Kevin Wever a entrega su mes despues cu tabatin un orden di detencion contra dje relaciona cu un problema cu a surgi fin di aña pasa na un club nocturno y despues a keda deteni. Vocero di ministerio publico Ann Angela a confirma cu tabatin un detencion den e caso aki pero no kier a divulga e nomber ni inicial 'relaciona cu e derecho riba privacidad'. E yiu homber a bin warda di Shaba cu su abogado. 

  • Grupo di Tarea Hulandes Anti Droga ta intercepta casi 4700 kilo di cocaina

    Grupo di Tarea Hulandes Anti Droga ta intercepta casi 4700 kilo di cocaina

    ORANJESTAD - E barcu di Marina Hulandes Zr.Ms. Holland durante e último tres simannan, den estrecho kolaborashon ku Wardakosta Merikano i Wardakosta di Region Karibe, a ehekutá diferente operashonnan kontra droga.  Den esaki Zr.Ms. Holland pa di promé biaha a tuma riba dje e kordinashon i  atministrashon di e unidatnan partisipante, komo Komandante di e ‘Surface Action Group’.  Den esaki el a keda sostené pa avionnan marítimo di patruya tantu di Wardakosta Merikano komo Wardakosta Region Karibe. E kolaborashon aki ya a kondusí hopi rápido na resultado.

  • Dama Chauffeur ta bira malo tray stuur, accident ana Savaneta y fayece

    Dama Chauffeur ta bira malo tray stuur, accident ana Savaneta y fayece

    SAVANETA - Dialuna mainta pa mas o menos 9:50, central di polis  a wordo notifica di un accidente basta serio na altura di Do It Center na Savaneta.  Na yegada di patruya di Polis ta bin topa cu un auto marca KIA Model Picanto color cora numera A-62264 y un Nissan March color preto numera A-58473. E señora den e Kia Picanto bayendo direccion pabao aparentemente  a bira malo tras di stuur y a bay dal den Nissan March Preto bayendo direccion pariba. A pidi ambulance cu urgencia mirando e situacion di e señora. Na yegada di personal di ambulance a atende e señora y a stabilise y bay cune cu maximo urgencia pa hospital.  Polis a cera e caminda pa asina ambulance por a transporta e victima pa hospital pa haya tratamento medico avansa. Polis di trafico y di tecnico a presenta na e sitio pa haci nan investigacion. Departamento di slachtofferhulp a presenta pa duna famia sosten den e momentonan aki. Lamentablemente pa 12:31pm. Dr.Daza ta constata fayecemento di e señora chauffeur Carmen Anastatia Simmons naci na Aruba 25 augustus 1955 (66 aña). Noticiacla y Cuerpo Policial ta manda palabra di condolencia na famia di e fayecido… No por bisa ainda si ta wordo conta  como morto den trafico (DA) paso caso ta bao investigacion door Departamento di trafico .

  • Tiro di advertencia di polis a alcansa homber agresivo

    Tiro di advertencia di polis a alcansa homber agresivo

    ORANJESTAD - Dialuna atardi pa mas o menos 6:30pm un situacion a presenta na unda polis lo a bay compaña un señora pa busca su pertenencianan na un cas na Caya Frere Henricus. E prome informa cu tin ta cu na  dado monento un homber (ex pareha) lo a presenta na e cas y a saca un cuchui den direccion di e polisnan. Polisnan na nan turno a avisa e homber varios biaha pone e cuchui a abao y na dado momento dicho homber a bin  direcion di e polisnan. E momento ey polis a saca su arma reglamentario y a los varios tiro di advertencia .  Un tiro na un manera of otro a alcansa e homber encuestion.Di biaha a pidi pa ambulance y na unda na su yegada a stabilisa e homber y bay cune cu maximo urgencia pa hospital. Departamentonan concerni a presenta y asina cuminsa cu e investigacion pa sa kico exactamente a pasa.

  • Cuerpo policial a lansa nan bunita video cu mensahe di fin di aña

    Cuerpo policial a lansa nan bunita video cu mensahe di fin di aña

    MACUARIMA – Dialuna merdia Cuerpo Policial a lansa nan video cu mensahe di fin di aña, cu for di 2013 a cuminsa bira un tradicion. E producto final a keda lansa pa 1’or y sigur tabata un bunita trabou. Cuerpo Policial Aruba a cuminsa cu e tradicion desde 2013 pa trece un mensahe di fin di aña pa nos coleganan y comunidad. Na caminda ela bira grandi y esaki ta pa di 8 aña consecutivo cu nos ta treciendo nos mensahe di fin di aña. Gusta pa grandi y chikito y ala bez cu atencion internacional. 

  • Powered by SETAR