Bapor Odyssey of the Seas tampoco por a drenta Aruba debi na Covid19

ORANJESTAD – A resulta cu fuera di e bapor crucero Carnival Freedom di Carnival Cruise Lines, e bapor crucero Odyssey of the Seas di Royal Caribbean Cruise Lines tambe mester a cancela nan trip pa Aruba debi cu un cantidad di tripulante y pasahero a keda contagia cu Covi19. Tanto Odyssey como Freedom mester a yega Aruba diahuebs (awe), pues Aruba no tin bishita crucero awe. Den caso di Royal, tin 55 caso di contagio di cual 3 ta pasahero y 52 ta tripulante.  E bapor a mara na Corsou pero no a laga e pasaheronan baha, ora cu a bin haya sa cu tin e contagio. E ta nifica cu e no ta baha mes na Aruba sino ta cambia ruta. Pa e pasaheronan esey kier men ‘extra actividad abordo’ y un possible reembolso di placa.