Dos persona trahando pa DVG deteni den caso di iregularidad

ORANJESTAD – Relaciona cu un caso di ‘irregularidad’ na Departamento di Salud (DVG), Landsrecherche y recherche a detene 2 persona y tin bista riba mas sospechoso. Asina vocero di Ministerio Publico Ann Angela a confirma na noticiacla diaranson atardi. Mientras cu Angela no por a duna mas declaracion, e portal aki a compronde cu e caso cu a haya nomber di Anglo, tin di haber cu sea falsificacion di PCR test of konkelmento cu test di vacuna, pa haci como si fuera un persona a haya vacuna siendo cu no ta asina of a haci PCR test sin cu en realidad e la hacie. Y cu lo  tabata cobra pa testnan, sin raporta e placa corectamente. Loke si Angela a bisa ta cu  DVG mes cu a tabati alarma y informa riba e caso aki.