Crisis Team y Gobierno ta anuncia regla nobo pa biahero for di pais cu riesgo halto

ORANJESTAD - Mirando cu e retonan di aumento di caso di Covid19 e biaha aki no ta solamente local, sino tambe di biaheronan bishitando nos isla, Crisis Team y Gobierno a anuncia lo siguiente:

REGLANAN PA CU BIAHE FOR DI PAISNAN RIESGO HALTO

- biaheronan cu no ta residente y ta bin di paisnan di riesgo halto, mester test dentro di dos dia prome cu subi avion; pues no por test aki na Aruba mas. E regla aki lo drenta na vigor dia 27 di december proximo.

RESIDENTENAN

- ta wordo desconseha pa biaha pa paisnan di riesgo halto y hopi halto

- segura bo mes cu bo ta full vacuna prome cu biaha

- e posibilidad ta keda pa test na Aruba mes na regreso

- hasi antigen of self test 3 dia despues di yegada pa ta sigur cu bo no ta contagia

CrisisTeam lo sigui monitor e situacion di serca constantemente, pa asina por sigui ahusta e medidanan den caso cu bira necesario. Ta hasi un apelacion riba tur cuidadano pa cuida nan mes y otronan, pa asina hunto nos por supera e situacion di crisis aki.