Crisis Team evaluando pa anuncia medida nobo awe tardi

ORANJESTAD – Crisis Team ta evaluando medidanan nobo contra Covid19 cu lo keda anuncia awe tardi. Asina prome minister Evelyn Wever a pone riba su pagina di Facebook awe mainta. “Casonan di Covid lamentablemente ta aumentando drasticamente. Crisis Team ta evaluando medidanan nobo pa nos cuida y protehe nos mes awor. Keda pendiente pa e anuncio awe tardi”. Manera ta conoci, e cifranan a cuminsa aumenta desde diadomingo y di 20 pico a yega 43 dialuna y diripente diamars 72. No ta descarta cu esaki lo aumenta aun mas awe diaranson debi na e variante nobo Omicron.  No ta conoci ainda kico e medidanan aki ta si.