Malta Balashi ta apoya Santa Cruz Rockets

ORANJESTAD - Santa Cruz Rockets Baseball Team a cuminsa aña 2015 cu uniform nobo y ta cu hopi orguyo e beisbolistanan a estrena nan durante di un ceremonia special diabierna pasa. E director financiero di The Tropical Bottling Company, Kenneth Bikker tabatin e honor di batisa e uniformnan cu e bebida preferi di nos deportistanan hoben, esta Malta Balashi.

Malta Balashi ta envolvi durante di henter aña cu nos deportistanan, no solamente como sponsor di uniform, pero tambe cu diferente evento y fundacion. Como un di e contribuidornan na "Dare to Dream Foundation" di Xander Bogaerts, Malta Balashi a yuda cumpra materialnan cu a bay directamente pa hungadonan di Little League Baseball na nos isla.

E team di Malta Balashi ta contento di por contribui na Santa Cruz Rockets. Ta un placer pa inverti fondonan y energia den nos hobennan positivo, dinamico y entusiasma. Malta Balashi ta desea tur miembro e ekipo di Santa Cruz Rockets hopi exito pa e temporada nan dilanti y cu nan por gosa semper di e apoyo incansabel di nan dirigentenan y mayornan.