Premier Wever ta entrega keho contra declaracionan haci den weekend

ORANJESTAD – Prome minister Evelyn Wever Croes ta bay entrega keho contra persona(nan) cu a haci declaracion den fin di siman contra dje, cu e ta considera ‘baho y no berdad’. Mientras cu e mandatario no a haci mencion di persona(nan) specifico, a compronde cu ta trata di e.o. un comerciante/politico cu recientemente tabata riba lista di su propio partido politico. Segun e mandatario, e comentarionan tabata hopi vies, y cu hopi mentira. E la sigura cu ora cu hende haci cos asina, ‘bo no ta entrega nan un flor, pero bo ta reacciona cu firmesa’.