Analisis: Ta desaproba gabinete y ta straf lider di partido di coalicion

ORANJESTAD – Si mester sigui e resultado di e ultimo encuesta di noticiacla, unda cu a midi e prome 100 dia di e gabinete Wever Croes II, cos no ta mustra bon pa e gabinete. Tanto e partido cu mas experiencia esta MEP, y tambe su partner hoben di coalicion RAIZ. E gabinete a haya un ‘dikke onvoldoende’, y un di su ministernan a te hasta haya un puntuacion mas malo esta ‘hopi malo’. Y e lider di e partido hoben ta haya e score mas abou di e categoria di ‘malo’.  Esey kier men cu entre esnan cu a participa, na no ta nada contento cu e forma con e gabinete a traha ultimo lunanan desde nan huramentacion. 

MOTIBO

Factornan tin suficiente pa analisa kico por a pasa cu e gabinete a haya un puntuacion asina malo, siendo cu nan ta recien eligi, y pues a sali como esun miho cu pueblo a scohe. Berdad ta cu e encuesta no ta un representacion completo di e isla, y ta simplemente un muestra entre un grupo di lesado di noticiacla, pero si ta un bista interesante, si mira e reparticion demografico reparti riba henter e isla, di mas di 1000 persona. Maneho di e situacion di Covid, relacion cu Hulanda, y finalmente porta, e asunto di contract cu WEB y su desenlace, (e encuesta tabata den e siman cu e reunion Parlamentario a tuma lugar riba e contracto en cuestion), a pone cu nan ta haya cu e trabou desplega, no tabata bon. 

PARTNER

Den un gobierno di coalicion, semper tin e pregunta con cada partido ta haci compara cu e otro. Den e caso aki, mirando e puntuacion average cu e lider di partido RAIZ a haya, cu ta un prome cu ultimo cu ‘apenas’ 2.0 (esun di dos mas abou di tur e malonan (2) despues di Glenbert Croes). Esaki kier men cu entre esnan cu a participa den e ultimo encuesta aki, e grupo mas grandi a desaproba di e lider di RAIZ, y esaki porta cu nan no a haya cu e la haci loke nan a kere cu e lo a bay haci, esta ta e diferencia cu e la priminti, primordialmente den aspecto di e tema di integridad.