Corte: Ta trata caso asesinato Poentje caso integralmente fin di maart 2022

Corte: Ta trata caso asesinato Poentje caso integralmente fin di maart 2022

Posted on 12/17/2021 3:08 pm AST | Updated on 12/17/2021 3:09 pm AST

ORANJESTAD – Tratamento integral di e caso di asesinato di e conocido personalidad Poentje Castro, ta tuma lugar fin di maart otro aña, specificamente dia 25 di maart 2022 pa 8’or y mei di mainta. Asina huez a mustra diabierna atardi (awe) ora cu a trata esaki ‘pro forma’. Durante e caso aki awe, tabata presente e sospechoso A.Rasmijn (35), y tambe e famianan di Castro. Aki huez a bisa cu ainda e procesverbaal oficial di recherche no ta cla. 

Abogado mr Carlo, a bisa huez cu a pidi pa un psikiater pa determina si e sospechoso Rasmijn ta compronde kico e acusacion contra dje ta. E abogado a bisa e ora cu tin un peticion pa haci e investigacion y pa asina Corte por nombra un psikiater cu mester haci e investigacion. E ora huez a bisa cu mientrastanto a nombra un psikiater riba 15 di December ultimo cu tin como tarea pa investiga Rasmijn. 

Fiscal a sigui mustra cu mientras cu tin un investigacion habri, no por para e investigacion. A mustra ademas cu p.e. na Hulanda tabatin un caso caminda a sigui cu e investigacion te ora cu e rapport di e psikiater a keda cla, unda cu a dicidi e ora cu no ta sigui mas cu e caso. A mustra e ora cu aki kier mesun procedura. Huez riba esey a puntra cuanto tempo esey lo dura, pero fiscal a informa cu e no tabatin e informacion ey. Fiscal ademas a bisa cu mester di mas tempo pa trata e caso y a propone pa esaki dura un dia completo y pa e fecha ta dia 22 di maart 2022. A mustra cu mester tene cuenta cu e investigacion y cu huez mester manda e caso pa huez comisario pa asina e deseo di abogado Carlo keda realisa. Asina e psikiater no tin ningun duda kico mester haci. Huez a puntra e ora si e caso mester wordo trata pro forma atrobe. Fiscal a mustra e ora cu e kier reserva e fecha ey pa en caso no keda cla, cu por usa esaki pa trata e caso atrobe pro forma. 

VIDEO 

Abogado Carlo a mustra cu su cliente a informa cu e la wordo interoga for di 2011 caba y a graba esaki riba video pero no tabatin nada mas. Ademas e ta haya mas straño  cu apenas el a keda apunta como abogado, ya prensa a yam’e. E ta mustra cu for di April 2021 ministerio publico a publica cu a habri e investigacion di nobo. Tambe ta remarkable cu e procesverbaal ta data di 2011. E unico cos cu a bin acerca ta e declaracion di G. Morales. A mustra cu e portal 24ora.com por ta influenciando e caso. Y e abogado ta haya cu e caso aki ta wordo influencia door di prensa. Fiscal riba esey a mustra cu tin libertad di prensa y ta ked ana cada uno pa publica. E la admiti cu prensa ta influencia e caso pasobra 10 aña no tin nada di e caso y comunidad kier sa kico ta pasando. Y esey ta algo cu ni fiscal, ni abogado of huez por haci algo contra. 

Huez a bisa e ora cu tin suficiente indicacion cu Rasmijn ta envolvi. Tin video caminda ta mir’e core for di e caso y cu un saco. E ta hay ana interes di e investigacion pa pospone e caso pa dia 25 di maart 2022 pa 8’or y mei y manda e caso bek awor pa huez comisario pa laga psikiater haci e investigacion riba Rasmijn. 

  • Ministerio Publico a cera relaciona cu e mal tempo na caminda pa Aruba

    Ministerio Publico a cera relaciona cu e mal tempo na caminda pa Aruba

    ORANJESTAD - Relaciona cu e molester cu ta spera relaciona cu e mal tempo Bonnie, OM lo ta cera desde awe 29 juni 2022 pa 12’or di merdia te cu diabierna prome di juli 2022. Riba dialuna 4 di juli 2022 OM ta spera di ta up and running.

  • OM: Ex minister Otmar Oduber por bandona KIA awe

    OM: Ex minister Otmar Oduber por bandona KIA awe

    ORANJESTAD - E sospechoso O.E.O. den e investigacion Flamingo a wordomanda cas awe riba ordo di fiscal di husticia. Su detencion no tabata necesario mas relaciona cu e investigacion cu tinandando, segun fiscal di husticia. 

  • OM: Landsrecherche investigando circumstancia di suicidio di Gario

    OM: Landsrecherche investigando circumstancia di suicidio di Gario

    ORANJESTAD – Actualmente Landsrecherche di Aruba ta investigando e circumstancianan bou di cual suicidio di e conocido personahe Antoni Gario por a tuma lugar. Asina vocero di Ministerio Publico Ann Angela a confirma pa noticiacla. No tabata necesario pa confisca e curpa, ya cu no tabatin ningun indicacion cu su bida a wordo kita den un crimen. Esey lo tabata e unico motibo pa confisca e curpa. Pero esey no tabata e caso. 

  • Detencion di ex minister Otmar Oduber na KIA prolonga atrobe cu 8 dia

    Detencion di ex minister Otmar Oduber na KIA prolonga atrobe cu 8 dia

    ORANJESTAD – E detencion preliminar di ex minister Otmar Oduber como sospechoso principal den e caso penal Flamingo, a keda prolonga cu 8 dia mas. Vocero di Ministerio Publico Ann Angela a confirma esaki diabierna mainta na Noticiacla. Hues Comisario awe mainta mester a ‘toets’ e detencion y a dicidi pues cu Oduber tin cu keda cera mas tempo den KIA. E motibo duna siman pasa cu a pone bay bek KIA, ta pasobra mester scucha 10 testigo mas. 

  • Hues: Caso Avestruz ta inicia na September 2022 y dura 3 luna

    Hues: Caso Avestruz ta inicia na September 2022 y dura 3 luna

    ORANJESTAD – Conforme decision di hues diahuebs mainta, e caso penal Avestruz cu sospechoso principal, parlamentario Benny Sevinger, lo cuminsa na September di 2022 y caba mitar di luna di December 2022. Y mas probable, prome siman di 2023 por spera un sentencia. Despues di a scucha abogadonan diaranson ultimo durante un regie zitting y a tende tur argumento di abogadonan, a tuma un dia pa delibera y awe diahuebs a publica e ‘schedule’, cu fechanan reparti riba 3 luna. A compronde cu abogadonan a protesta riba esaki y mustra cu nan ta prefera un tratamento pega na otro di p.e. 3 siman, y caba tur cos, envez di reparti esaki riba tres luna.

  • PG a duna ordo pa investiga iregularidadnan cu documentonan di biahe

    PG a duna ordo pa investiga iregularidadnan cu documentonan di biahe

    ORANJESTAD - Procurador General di Aruba, mr Bote ter Steege a duna ordo diamars pa cuminsa investiga iregularidadnan di documentonan di biahe. Asina e vocero di Ministerio Publico Ann Angela a confirma diamars.  Segun e informacion, recientemente trahadornan di IA (anteriormente IASA) a ripara iregularidadnan durante control di documentonan di viahe di dos persona cu tabata saliendo for di Aruba. Hefe di IA a raporta esaki y awor Procurador-general di Aruba a duna Landsrecherche ordo pa cuminza un feitenonderzoek.

  • Powered by SETAR